Каля Лунінца разбіўся самалёт або верталёт

motolko.help
4 хв.

In English: A plane or a helicopter crashed near Luninets
На русском языке: Около Лунинца разбился самолёт или вертолёт

Рэдакцыі motolko.help паступае інфармацыя, што сёння ў раёне 21:00 жыхары Лунінца (Брэсцкая вобласць) чулі моцны выбух і бачылі яркі выбліск.

Відавочцы паведамляюць, што ў выніку выбуху ў жыхароў трэсліся вокны, у некаторых дамах ад сілы выбуху выляталі шыбы. Паведамляюць аб прыбыцці верталётаў і пажарнікаў, а таксама вялікай колькасці беларускіх і расійскіх вайскоўцаў. Таксама ў вёсцы Дрэбск (Лунінецкі раён) былі чутныя два хлапкі, пасля якіх пачалося зарыва, як пры лясным пажары.

Каля Лунінца разбіўся самалёт або верталёт

Фота здарэння / motolko.help

Па папярэдняй інфармацыі, у раёне аг. Кажан-Гарадок мог упасці самалёт або верталёт. У дадзены момант ідзе пошукавая аперацыя. Паступае інфармацыя, што верталёт МА РБ вылецеў з аэрадрома ў Мачулішчах у Лунінец.

Каля Лунінца разбіўся самалёт або верталёт

Прыблізная лакацыя падзення верталёта ці самалёта / motolko.help

У рэдакцыі тэлеграм-канала «Беларускi Гаюн» маецца запіс перахапленай размовы паміж лётчыкамі. Запіс пацвярджае падзенне расейскага вайсковага самалёта пад Лунінцам (у раёне аграгарадка Кажан-Гарадок) у чацвер увечары.

Прыводзім расшыфроўку ўрыўка:

«..вельмі яркая, я прама на яе глядзеў…у раёне Лунінца… …назіраў яшчэ адну ўспышку толькі што… у тым жа месцы …ну падкажыце ім тады, дзе прыкладна самалёт упаў, калі яны выйшлі, каб лягчэй было знайсці…па пасадачным (курсе на аэрадром) кіламетраў 20…»

Калі ў вас ёсць дадатковая інфармацыя, пішыце ў бот тэлеграм-канала «Беларускi Гаюн»@HajunBYbot, або ў форму для зваротнай сувязі ніжэй.

Гэтае поле абавязкова для запаўнення
Папярэдні матэрыял
Камандны цэнтр беларускай групоўкі ВС РФ знаходзіцца пад Мінскам?
Наступны матэрыял
11 сакавіка адбудзецца сусветная прэм'ера спектакля Belarus Free Theatre «Сабакі Еўропы»

Iншыя матэрыялы