In English:
Lithuanian Foreign Minister: «Most citizens of Belarus are hostages of the regime, rather than actively and consciously supporting it.»
На русском языке:
Глава МИД Литвы Ландсбергис: «Большая часть граждан Беларуси скорее заложники режима, чем активно и сознательно его поддерживают»
У інтэрв’ю Delfi кіраўнік МЗС Габрыэлюс Ландсбергіс зноў закрануў тэму візавага бана для расіян і беларусаў.
«Міністр (Ландсбергіс) кажа, што таксама пакуль не дадзены адказ на пытанне, ці варта адмаўляць ва ўездзе толькі расейскім турыстам ці яшчэ і беларускім.
«Мы бачым адрозненні паміж гэтымі дзвюма краінамі і ў плане стаўлення іх грамадзян да вайны. Большую частку грамадзян Беларусі можна лічыць хутчэй закладнікамі свайго рэжыму, чым актыўна і свядома падтрымліваючымі дзеянні рэжыму», – лічыць кіраўнік літоўскага дыпламатычнага ведамства.
З іншага боку, паводле яго слоў, няправільна, калі беларусы, якія пакінулі радзіму з-за пагрозы іх жыццю, бачаць бізнесмена, які забаўляецца ў Літве, які падтрымлівае мінскі рэжым і кампанія якога ўваходзіць у санкцыйны спіс, а ён сам – не».
Антон Матолька, стваральнік праектаў «Беларускі Гаюн», «Матолька Дапамажы», Dze.chat і каардынатар па Беларусі ў аналітычным цэнтры iSANS, пракаментаваў выступленне кіраўніка МЗС Літвы:
«Мне падабаецца, што мяняецца танальнасць заяваў у кантэксце візавага бана ўсіх беларусаў па пашпарце, і тлумачацца прычыны. І ёсць сустрэчная прапанова, што можна зрабіць, каб не баніць усіх агулам, і не ствараць дадатковую структуру па верыфікацыі людзей.
А чаму не разгледзець такі механізм: Шэнгенскі кодэкс можа ўключыць прычыну для атрымання візы C для асоб, якія маюць сяброў і сваякоў у ЕС, якія знаходзяцца па гуманітарных прычынах (гуманітарныя візы і ВНЖ) і якія хочуць іх убачыць. Рэпрэсаваныя рэжымам Лукашэнкі асобы не павінныя быць пазбаўленыя кантактаў са сваімі сваякамі і блізкімі проста з-за візавага рэжыму ЕЗ, бо яны УЖО абмежаваныя рэжымам Лукашэнкі (забарона на выезд з Беларусі, якую адмянілі толькі гэтай вясной). Гэта толькі адзін з варыянтаў, які можна проста разгледзець.
Працягваем сачыць за тэмай. І дзякуй усім з беларусам, хто працаваў з МЗС і палітыкамі сваіх краін па візавых пытаннях для беларусаў!»
