На русском языке:
БРЦ: Беларусские компании поставляют западные чипы российскому ВПК в обход санкций
Беларускі расследавальніцкі цэнтр высветліў, што за апошнія 2 гады беларускія кампаніі прадалі расійскім прадпрыемствам мікрасхем на $125+ млн., з іх $400 тыс. — гэта перапродаж камплектуючых заходняй вытворчасці ў абыход санкцый.
Гаворка пра 10 000 мікрасхем вытворчасці розных кампаній з ЗША, Германіі, Фінляндыі, у тым ліку чыпаў ад Intel, якія ў РФ выкарыстоўваюць як кампаненты знішчальнікаў Су-35С, Су-34, БПЛА «Карсар» і ракет «Калібр». Адзначым, што раней СМІ неаднаразова пісалі, што мікрасхемы заходняй вытворчасці масава пастаўляюцца ў РФ і праз Кітай.
Расследавальнікі высветлілі, што пастаўкай заходняй мікраэлектронікі для расійскага ВПК займаюцца беларускія кампаніі:
- ТАА «Алексвіт Лтд» (уладальнік Сяргей Барысюк — экс-намеснік старшыні Дзяржмыт камітэта РБ, а сама кампанія звязана з Шэйманам);
- ТАА «Лагістычная Кампанія Усход» (уладальнік Аляксей Мацвееў — па словах БРЦ, звязаны з праўладным бізнесменам Цяцерыным);
- ТАА «ОФС-Экспарт» (звязана з праўладным бізнесменам Шакуціным);
- ТАА «Гандлёвы дом Экспартгандаль» (звязана з праўладным бізнесменам Зайцавым);
- ТАА «СД Электра»;
- ТАА «Першы Кантынент».
Карэспандэнты БРЦ звязаліся з гэтымі кампаніямі, і да прыкладу, у «Алексвіт ЛТД» пацвердзілі, што без праблем даставяць мікрасхемы з ЕС у РФ, але адзначылі, што яны возьмуцца толькі за вялікія аб’ёмы (машына або цэлы кантэйнер чыпаў).
Расследавальнікі таксама назвалі і шэраг пакупнікоў гэтых мікрасхем у РФ – гэта расійскія кампаніі ТАА «Балтэлектрон», ТАА «Стаут» і ТАА «Грын-Чып», сярод кліентаў апошняй фігуруе прадпрыемства ВПК РФ – НВА «Алмаз». А кліентам вышэйзгаданага «Стаут» з’яўляецца ТАА «Фрэгат», які напрамую працуе з АТ «Канцэрн «Калашнікаў»», «Ростех», «Раскосмас» і «Алмаз-Антэй».
