Амерыканская кампанія Super Micro Computer, Inc. пастаўляе сервера для КДБ і «Белтэлекам». Прычым, як і ў выпадку з Motorola Solutions, пастаўкі ідуць не наўпрост. І нават не праз афіцыйных дыстрыб’ютараў.
Нам вядома пра 4 закупкі сервераў Supermicro са жніўня 2020 года:
- 18.08.2020 — закупка сервера Supermicro тыпу 2 на суму 90 000 рублёў.
- 30.08.2020 — закупка 6-і сервераў Supermicro розных тыпаў на суму 338 800 рублёў.
- 30.08.2020 — закупка сервераў Supermicro на суму 297 000 рублёў
- 07.12.2020 — закупка сервера Supermicro на суму 21 000 рублёў.
Ва ўсіх тэндарах заказчыкам выступае Камітэт дзяржаўнай бяспекі Рэспублікі Беларусь. А ўсе лоты праходзяць у закупцы «Стварэнне адмоваўстойлівай сістэмы падлучэння да інфармацыйных рэсурсаў нацыянальных аператараў сувязі (РУП «НЦАТ» і РУП «Белтэлекам»)».
Але што гэта за сервера і навошта яны ім?
У тэндары не пазначана, якія менавіта сервера яны набываюць, але гэтая інфармацыя ўказана ў далучаных аўкцыённных дакументах. Напрыклад, адзін з сервераў, які закупляла КДБ — SuperServer 6029TR-HTR. Інфармацыю, што гэта за серверная платформа, лёгка знайсці на афіцыйным сайце кампаніі. Гэтак жа ва ўнутраных дакументах пазначана, якое «начынне» неабходнае камітэту: 8 працэсараў Intel і 8 жорсткіх дыскаў Enterprise на 2 тэрабайты.
А навошта ім такія моцныя камп'ютары?
Па інфармацыі ад беларускай дыяспары ЗША, такія магутныя сервера выкарыстоўваюцца для таго, каб можна было ўключыцца і падслухоўваць размовы беларусаў па мабільных тэлефонах. Дыяспара нам паведаміла, што абсталяванне спецслужбаў размешчана прама ў «Белтэлекаме», а праграма называецца «Кантроль Доступу Абанентаў».
Верагодна, гэта так і ёсць, інакш растлумачыць магутнасць патрэбных сервераў складана.
У закупцы 7 снежня прадметам закупкі пазачаны сервер Supermicro, а ў пратаколе дамовы на пастаўку з кампаніяй ТАА «Таомі» ўжо пазначаны сервер Teta Innelli беларускай вытворчасці. Але калі паглядзець сам дагавор, то становіцца зразумела, што беларуская ў гэтага сервера толькі назва, а ўсё «начынне» — Supermicro, Intel і г.д.
Хто пастаўляе ў Беларусь сервера Supermicro?
Мы даведаліся, што афіцыйным дыстрыб’ютарам кампаніі Supermicro ў Рэспубліцы Беларусь з’яўляецца кампанія ASBIS. Але ASBIS не праходзіць у тэндарах на закупку сервераў. І ў нас няма доказаў іх датычнасці. Затое ёсць цэлы спіс кампаній, якія былі заўважаныя ў тэндарах.
Тэндары на пастаўку абсталявання для КДБ выйграюць кампаніі: ЗАТ «МАП Інфа», ТАА «Таомі» і УП «КомпТорг». У іх нідзе не пазначана, што яны з’яўляюцца афіцыйнымі дыстрыб’ютарамі Supermicro. У МАП, да прыкладу, напісана, што яны збіраюць сервера з камплектуючых амерыканскай кампаніі, а ў дзвюх іншых кампаній мы не знайшлі нават сайты.
Адзіная кампанія са спісу, якая піша на сваім сайце пар партнёрства з Supermicro — беларуска-амерыканскае сумеснае прадпрыемства «БЕВАЛЕКС». Яны ўдзельнічаюць амаль у кожным тэндары на закупку сервераў для КДБ, але іх не выйграюць. На іх сайце пазначана, што яны таксама з’яўляюцца плацінавым партнёрам Intel, срэбным партнёрам Microsoft і яшчэ дзясятка розных мегакарпарацый.
Мы мяркуем, што нягледзячы на тое, што яны не выйграюць тэндары, яны ўсё роўна пастаўляюць сервера для КДБ. Мяркуючы па іх сайце, яны з’яўляюцца партнёрамі Supermicro, Intel, Microsoft і іншых кампаній. А сайты іншых кампаній, і тым больш пераможцаў таргоў, пра гэта не кажуць. Але мы гэтага дакладна не ведаем.
Какие еще компании участвуют в закупках на поставку серверов Supermicro:
- ООО «Таоми»
- Белорусско-американское совместное предприятие «БЕВАЛЕКС»
- ЗАО «МАП Инфо»
- ООО «Беглион техно»
- УП «КомпТорг»
- УП «АБН-Групп»
- ООО «Саммит Текнолоджиз»
- ООО «Интеллектуальные компьютерные системы»
- ООО «БелЭВМ»
- ООО «БВКомпьютерс»
- ООО «Современные Инновации»
- ООО «Икслайнгрупп»
- ООО «Бикар Плюс»
- ООО «Астлайн»
- УП «ЭтикетСервис»
Исходя из полученной нами информации мы делаем вывод, что компания Super Micro Computer, Inc знает кому и для каких целей поставляет сервера в Беларусь. Это подтверждается и тем, что представители диаспоры предупреждали компанию о незаконности ее поставок еще в октябре. Но мы видим, что после этого поставки были в ноябре и декабре прошлого года.
Якія яшчэ кампаніі ўдзельнічаюць у закупках на пастаўку сервераў Supermicro:
- ТАА «Таомі»
- Беларуска-амерыканскае сумеснае прадпрыемства «БЕВАЛЕКС»
- ЗАТ «МАП Інфа»
- ТАА «Бегліён тэхна»
- УП «КомпТорг»
- УП «АБН-Груп»
- ТАА «Саміт Тэкноладжыз»
- ТАА «Інтэлектуальныя камп’ютарныя сістэмы»
- ТАА «БелЭВМ»
- ТАА «БВКомп’ютарс»
- ТАА «Сучасныя Інавацыі»
- ТАА «Ікслайнгруп»
- ТАА «Бікар Плюс»
- ТАА «Астлайн»
- УП «ЭтыкетСэрвіс»
Зыходзячы з атрыманай намі інфармацыі мы робім выснову, што кампанія Super Micro Computer, Inc ведае, каму і для якіх мэт пастаўляе сервера ў Беларусь. Гэта пацвярджаецца і тым, што прадстаўнікі дыяспары папярэджвалі кампанію аб незаконнасці яе паставак яшчэ ў кастрычніку. Але мы бачым, што пасля гэтага пастаўкі былі ў лістападзе і снежні мінулага года.
