На русском языке:
$2400 из Ирака до границы: мигранты рассказали, как едут в ЕС через Беларусь
Не сакрэт, што рэйсы са Стамбула ў Мінск на 90% запоўненыя грамадзянамі краін Блізкага Усходу і Афрыкі, рэйсы «Белавія» — не выключэнне. Афіцыйныя Вільня, Рыга і Варшава лічаць, што беларускія ўлады штучна арганізавалі паток бежанцаў з Блізкага Усходу і называюць гэта гібрыднай агрэсіяй. Рэдакцыі Motolko.help сталі вядомыя новыя падрабязнасці пра «туры» мігрантаў з Блізкага Усходу ў краіны ЕС.
Паказанні відавочцаў кажуць пра тое, што ў Стамбуле ў грамадзян арабскіх краін прысутнічае арганізатар — мужчына ўсходняй знешнасці, які дапамагае падаваць дакументы на рэгістрацыю і паказвае куды ісці. Большасць пасажыраў —мужчыны, апранутыя ў цёплыя курткі, якія маюць пры сабе шмат багажу. Размаўляюць яны або на арабскай, або на нямецкай мовах. Англійскай не ведае амаль ніхто.
«У размове адзін сказаў, што едуць у Нямеччыну, а пра гэты маршрут даведаўся з інстаграма. Казаў, што ў яго ёсць знаёмыя іракцы ў Беларусі, якія працуюць паміж Польшчай і Беларуссю. Яны ведаюць пра праблемы на мяжы і едуць свядома, відэа з мяжы яны таксама бачылі».
Іракцы самі кажуць, што едуць не самастойна, а купляюць тур коштам $2400 па схеме «усё ўключана». У яго ўваходзяць: квіткі, пражыванне ў гатэлі і ўсе трансферы, у тым ліку да мяжы. Больш за тое, яны выдатна ведаюць, што міліцыя будзе іх суправаджаць і вельмі задаволеныя ўмовамі.
Хто менавіта атрымлівае гэтыя грошы дакладна невядома, самі іракцы думаюць, што нейкая фірма, але не іракская, а беларуская.
Нагадаем, у Літве, Латвіі і Польшчы працягваецца міграцыйны крызіс. За апошнія суткі зафіксавана 542 спробы нелегальнага перасячэння беларуска-польскай мяжы, затрымалі чацвёра грамадзян Ірака.
