Аператыўная зводка ад Гаюна за 14 красавіка аб ваеннай актыўнасці на тэрыторыі Беларусі

Ілюстратыўнае фота / Міністэрства Абароны РБ
6 хв.

Беларускi Гаюн апублікаваў аператыўную зводку аб ваеннай актыўнасці на тэрыторыі Беларусі на 22:00 14 красавіка.

Працягваецца перамяшчэнне калон УС РФ па тэрыторыі Беларусі (1, 2, 3). Калоны пераважна складаюцца з грузавікоў Урал і КАМАЗ. Можна вылучыць наступныя маршруты руху калон: Калінкавічы-Мазыр, Орша-Магілёў, Нароўля-Мазыр, Мінск-Барысаў, Гомель-Чарнігаў. Можна адзначыць значнае скарачэнне інтэнсіўнасці перамяшчэння калон.

Фіксаваліся таксама перавозка баявой тэхнікі УС РФ. Так, па трасе Р34 з боку гп. Кастрычніцкі па кірунку да Глуска заўважаны 2 тралы з пашкоджанымі танкамі.

Адзначалася лётная актыўнасць на ваенных аэрадромах Беларусі. Так, у Баранавічах зафіксавана 4 вылеты (навучальныя ВПС РБ), а ў Лунінцы – пасадка верталёта. Адзначым, што над Мінскам праходзілі трэніровачныя палёты самалёта Іл-76 ВПС РБ (EW-004DE). Таксама адзначым, што масавыя паведамленні аб высокай актыўнасці ўрадавых бортаў у паветранай прасторы РФ не пацвердзіліся.

Цяпер на ваенных аэрадромах Беларусі наступная абстаноўка (агляд складзены на падставе спадарожнікавых здымкаў):

  • Лунінец — на аэрадроме няма самалётаў.
  • Баранавічы – заўважаны 2 транспартныя Іл-76 і да 10 знішчальнікаў.
  • Мачулішчы – 2 транспартныя Іл-76 ВПС РБ.
  • Вялікі Бокаў (Мазырскі раён) — аэрадром пусты.
  • Аэрапорт Гомель пусты.
  • Зяброўка (Гомельскі раён) – на аэрадроме прысутнічае тэхніка УС РФ.
  • Ліда — тэхніка і самалёты РФ адсутнічаюць.

Фіксавалася актыўнасць УС РФ на чыгунцы. Перамяшчэнні:

Гомель-Няцотны — Гомель-Паўночны;

Гомель-Пасажырскі — Навабеліцкая (раней быў заўважаны ў Рэчыцы);

Мінск — Асіповічы (склад з пустымі платформамі);

Баранавічы — Стоўбцы.

Пагрузка тэхнікі фіксавалася на чыгуначных станцыях Навабеліцкая, Рэчыца.

Загружаныя эшалоны, а таксама склады з пустымі платформамі адзначаліся на чыгуначных станцыях Козенкі (Мазырскі раён), Ельск, Гомель-Няцотны, Калодзішчы (кірунак – Барысаў), Хойнікі, Навабеліцкая (Гомель),

Адзначалася нанясенне ўдару тактычным ракетным комплексам па тэрыторыі Украіны з аэрадрома Зяброўка (Гомельскі раён).

Адзначаліся нязначныя перамяшчэнні ваеннай тэхнікі УС РБ. Так, па маршруце Кобрын — Мінск была заўважана калона з 8 грузавых аўтамабіляў МАЗ і КАМАЗ. А з Лагойска ў Мінск ехалі 3 КрАЗы.

Калі вам вядомая дадатковая інфармацыя аб перамяшчэнні ваеннай тэхнікі на тэрыторыі Беларусі, звяжыцеся з намі ў @HajunBYbot або праз форму для зваротнай сувязі ніжэй

Гэтае поле абавязкова для запаўнення

In English: Situation report on military activity on the territory of Belarus for April 14 by Hajun Project
На русском языке: Оперативная сводка от Гаюна за 14 апреля о военной активности на территории Беларуси

Папярэдні матэрыял
Зміцер Дашкевіч прызнаны палітвязнем
Наступны матэрыял
Анджэй Дуда падпісаў папраўкі да закону, якія дазволяць беларусам атрымліваць гуманітарныя ВНЖ і гуманітарныя візы ў Польшчы

Iншыя матэрыялы