На русском языке:
Оперативная сводка от Гаюна за 15 марта о военной активности на территории Беларуси
Тэлеграм-канал «Беларускi Гаюн» апублікаваў аператыўную зводку аб ваеннай актыўнасці на тэрыторыі Беларусі на 7:00 16 сакавіка.
Працягваецца перамяшчэнне калон з ваеннай тэхнікай УС РФ па тэрыторыі Беларусі, а таксама тылавое забеспячэнне групоўкі расійскіх войскаў. Так, напрыклад, недалёка ад Гомеля заўважылі перавозку ракет для ракетных комплексаў «Іскандэр».
Таксама ў Гомель прыбыў чыгуначны састаў з ваеннай тэхнікай ВС РФ. На платформах былі заўважаны РСЗА «Град», а таксама 152-мм гаўбіцы 2А65 «Мста-Б». Таксама адзначаецца інтэнсіўны рух калон (пераважна — у паўднёвых рэгіёнах Беларусі).
Найбольшая лётная актыўнасць была зафіксавана на ваенным аэрадроме ў Лідзе (Гродзенская вобласць). Актыўныя вылеты пачаліся пасля 18:00 15 сакавіка (мінскі час), і працягваліся да 00:13 16 сакавіка. Увогуле быў зафіксаваны вылет больш за 15 самалётаў. Адзначым, што магчымай прычынай лётнай актыўнасці былі навучальныя палёты ВПС РБ. Раніцай лётная актыўнасць была зафіксавана на аэрадромах у Лунінцы і Лідзе.
Працягваецца актыўнае прымяненне УС РФ аператыўна-тактычных ракетных комплексаў. Было зафіксавана 9 пускаў ракет з тэрыторыі Мазырскага раёна, 5 — Хойніцкага і 5 — Калінкавіцкага. Былі атрыманы фатаграфіі пускаў ракет вечарам 15 сакавіка ў Хойніцкім раёне і інфармацыя аб магчымым месцазнаходжанні агнявой пазіцыі ў Калінкавіцкім раёне, з якой быў ажыццёўлены як мінімум адзін запуск ракет у бок Украіны.
З тэрыторыі Украіны працягваюць актыўна паступаць параненыя вайскоўцы ВС РФ. Ужо традыцыйна ў Гомелі былі заўважаныя санітарныя аўтобусы «ПАЗ», якія перавозяць параненых. Такія машыны былі заўважаныя падчас руху ў бок аэрапорта «Гомель» і па аб’язной дарозе.
Працягвае паступаць новая інфармацыя аб выкарыстанні аб’ектаў грамадзянскай інфраструктуры Беларусі для патрэб УС РФ. Так, аўтабаза філіяла РАЙПА ў горадзе Нароўля (Гомельская вобласць) выкарыстоўваецца для рамонту ваеннай тэхнікі. А ў інтэрнаце прафесійнага ліцэя заселеныя вайскоўцы.
Таксама працягваецца перамяшчэнне асобных падраздзяленняў УС РБ. У прыватнасці, была зафіксавана пагрузка на чыгуначны склад ВВСТ 120 механізаванай брыгады (пад Мінскам) і 6 механізаванай брыгады (у Гродне). Таксама былі заўважаны асобныя калоны тэхнікі ВС РБ (у напрамку Мар’інай Горкі і Слуцка).
