На русском языке:
Беларусов не впустили в Грузию без объяснения причин
Рэдакцыі @motolkohelp стала вядома, што прынамсі траіх беларусаў учора днём, 19 сакавіка, не ўпусцілі на тэрыторыю Грузіі.
Беларусы былі аднымі з тых, хто ляцеў учорашнім рэйсам W65081 Кракаў-Кутаісі авіякампаніі WizzAir. Паводле нашай інфармацыі, па прылёце ў аэрапорт Кутаісі, на пашпартным кантролі ва ўсіх беларусаў забралі пашпарты і адвялі ў пакой для размовы, дзе задавалі розныя пытанні, якія тычацца мэты візіту і часу набыцця ў краіне.
Прыкладна праз гадзіну беларусам паведамілі, што ім адмоўлена ва ўездзе, пры гэтым канкрэтнай прычыны названа не было. У рашэнні аб адмове ва ўездзе адзначаны пункт: «Іншыя выпадкі, прадугледжаныя заканадаўствам Грузіі».
На ўдакладняючыя пытанні грузінскія памежнікі практычна не адказвалі і тлумачэнняў таксама ніякіх не давалі, аднак адзін з беларусаў паведаміў, што на пытанне аб прычыне затрымання яму адказалі: «Вы што, не здагадваецеся?».
У выніку людзі былі вымушаныя вярнуцца ў Польшчу на гэтым жа самалёце. Інфармацыя таксама пацвярджаецца і надзвычай доўгай затрымкай самалёта перад вылетам, калі звычайна на гэтым рэйсе затрымка складае да 30 хвілін, то ўчора яна склала 2 гадзіны.
Дапоўнена:
У рэдакцыю паведамілі, што адзін з беларусаў, хто ўязджаў у Грузію праз наземны памежны пераход «Сарпі» на грузінска-турэцкай мяжы, таксама сутыкнуўся з праблемамі пры пераходзе мяжы.
Чалавек спрабаваў уехаць у Грузію па пашпарце РФ аднак, калі ўзніклі праблемы, адразу ж паведаміў, што ёсць і беларускі пашпарт. Пасля гэтага, па словах крыніцы, грузінскі памежнік сказаў, што «гэта тое ж самае і розніцы няма». Аднак усё вырашылася шчасна і ў краіну ўпусцілі, але спатрэбілася растлумачыць, што чалавек быў вымушаны з’ехаць з Беларусі і прадставіць доказы — чаму менавіта.
«Патлумачыўшы сітуацыю, што мяне ў Беларусі чакае турма, упусцілі, але гэта трэба даказаць ім, паказаць дакументы, фота і іншае», — паведаміла крыніца.
Адзначым, што нягледзячы больш частыя выпадкі забароны на ўезд беларусаў у Грузію, абсалютную большасць упускаюць без праблем, на дадзены момант, забарона на ўезд — гэта адзінкавыя выпадкі.
Калі вы ці вашыя знаёмыя сутыкнуліся з забаронай на ўезд у бязвізавую краіну ў апошнія дні — паведаміце нам у @motolko_bot.
