На русском языке:
Бывший самолёт «Белавиа» улетел в Иран: Продан за $1,9 млн.
У снежні 2024 г. мы звярнулі ўвагу на самалёт, прададзены іранскай авіякампаніі, які вярнуўся ў Мінск з-за тэхнічных непаладак.
Тады мы памылкова выказалі здагадку, што гэта быў адзін з трох Airbus A330-200, якія апошнія паўгода знаходзяцца на захоўванні ў Мінску ў чаканні свайго лёсу.
3 студзеня 2025 г. гэты ж самалёт распачаў другую спробу пакінуць Беларусь. Борт вылецеў з Нацыянальнага аэрапорта «Мінск» у 15:38 і паспяхова прызямліўся ў сталіцы Ірана ў 20:25 з тым жа самым пазыўным ІRT2801 са снежня (IRT — гэта ICAO-код іранскай а/к Toos Airlines). Тады ж стаў вядомы і яго новы бартавы нумар — EP-MFA (літары EP — таксама паказваюць на Іран).
Палёт EP-MFA з Мінска ў Тэгеран 03.01.2025 г. / FR24
Яшчэ праз некалькі дзён з’явілася фатаграфія гэтага самалёта ў аэрапорце Тэгерана.
EP-MFA у аэрапорце Тэгерана / planespotters.net
І ўсё ўстала на свае месцы. У Іран адправіўся борт, які належаў раней авіякампаніі «Белавія» (бартавы нумар EW-290PA). Ён быў прададзены з аўкцыёну ў 2023 годзе «адзінаму ўдзельніку» за $1,9 млн. па тагачасным курсе.
Аўкцыён па продажы самалёта Белавіі / ipmtorgi.by
Дадзены самалёт быў апошнім Boeing мадэлі 737-500 у Белавіі.
Па дадзеных адкрытых крыніц, серыйны нумар новага іранскага самалёта і былога борта Белавія супадае, што відавочна паказвае на тое, што гэта адзін і той жа самалёт.
skyliner-aviation.de
Рэдакцыя «МатолькаДапамажы» раней некалькі разоў распавядала пра лёс іранскай авіяцыйнай галіны, «вымушанай» збіраць па свеце самалёты. Мы ў асноўным звярталі на гэтую ўвагу, калі справа непасрэдна тычылася Беларусі.
А гэта ўжо другі зафіксаваны выпадак, калі «Белавія» адпраўляе свае самалёты менавіта ў Іран. Дакладна такі ж Boeing 737-500 быў прададзены туды з аўкцыёну ў 2021 годзе.
Вось такі вось атрымліваецца ў свеце абмен рэчываў паміж падсанкцыйнымі авіякампаніямі, што нават «Белавія», якой самой не хапае самалётаў і запчастак да іх вымушана прадаваць борты, якія адпрацавалі свой рэсурс, у тыя краіны, дзе санкцыйны голад менш пераборлівы да якасці «авіяпрадуктаў».
