BYPOL: На месца Кубракова могуць паставіць экс-камандзіра ўнутраных войскаў

14 снежня 2021 14:15

3 хв.

In English: BYPOL: Ex-commander of internal troops may replace Kubrakov
На русском языке: BYPOL: На место Кубракова могут поставить экс-командира внутренних войск

Ініцыятыва BYPOL паведаміла, што некамплект штатнай колькасці органаў унутраных спраў зараз складае 25%, а ў асобных РАУС каля 50%. У адным са сваіх расследаванняў BYPOL згадваў пра тое, што кіраўнік МУС Іван Кубракоў атрымаў загад да 1 студзеня правесці «чысткі» ў шэрагах АУС, у тым ліку ў цэнтральным апараце міністэрства, дзе плануецца звольніць больш за 500 супрацоўнікаў пры штатнай колькасці крыху менш за 1 000 чалавек. .

Аднак цяпер, паводле інфармацыі ініцыятывы, вырашэнне гэтага пытання адклалі да правядзення рэферэндуму па змяненні Канстытуцыі. Акрамя таго, BYPOL паведамляе, што можа быць звольнены і кіраўнік МУС Іван Кубракоў, а на яго месца могуць паставіць Юрыя Назаранку, які раней быў камандуючым унутранымі войскамі.