На русском языке:
Чешское СМИ пишет про закрытие счетов беларусам в банках Чехии, но самих кейсов не приводит
Заўчора чэшскае выданне E15 паведаміла, што шэраг банкаў Чэхіі без папярэджання пачалі закрываць рахункі беларусам і расіянам. У матэрыяле гаворыцца, што з праблемай сутыкнуліся расіяне і беларусы, якія знаходзяцца ў Чэхіі па працоўнай ці студэнцкай візе.
Згадваюцца банкі ČSOB, Creditas і UniCredit Bank. Апошнія два, як сказана ў матэрыяле, пацвердзілі выданню блакіроўку рахункаў грамадзян Беларусі і РФ.
E15 таксама расказала пра некалькі выпадкаў, калі рахункі закрылі грамадзянам РФ, аднак у матэрыяле не прыводзяцца кейсы закрыцця рахункаў менавіта беларусам.
Прамая цытата, якая тычыцца беларусаў, прыводзіцца толькі ад прэс-сакратара іншага банка – Fio: «Банк таксама правярае дзейныя санкцыйныя спісы на прадмет запытаў ад грамадзян Расіі ці Беларусі».
Такім чынам, пакуль інфармацыя аб закрыцці рахункаў менавіта беларусам – патрабуе дадатковых пацверджанняў.
Калі вы сутыкнуліся з блакіроўкай/закрыццём вашага рахунку ў адным з банкаў Чэхіі – просьба расказаць падрабязнасці нам у @motolko_bot або пішыце напрамую прадстаўнікам чэшскага офіса Святланы Ціханоўскай –[email protected]
