На русском языке:
Европарламент принял резолюцию по Беларуси
Дэпутаты Еўрапарламента прынялі рэзалюцыю па сітуацыі ў Беларусі. У апублікаваным дакуменце прысутнічае вялікая колькасць пунктаў пра асуджэнне дзеянняў рэжыму ў Беларусі і салідарнасці з дэмакратычнай апазіцыяй. Выбралі галоўныя з іх і расказваем коратка.
Якія рашэнні па Беларусі прыняў Еўрапарламент:
- Заклікаў увесці 5-й пакет санкцый, засяродзіўшы ўвагу на фіз. і юр. асобах, якія маюць дачыненне да рэпрэсій і гандлю людзьмі, а таксама ліквідаваць шчыліны для абыходу санкцый.
- На пасяджэнні Еўрасавета 21-22 кастрычніка ўзгадніць стратэгічны падыход да санкцый супраць рэжыму ў Беларусі, які ўключае пераход ад паэтапнага падыходу да больш рашучага.
- Заклікаў узмацніць адрасныя эканамічныя санкцыі і падзяліць іх на: сталеліцейны, лясны і хімічны сектара эканомікі, дзяржаўныя банкі, Беларуськалій, Белтэлекам, а таксама забараніць імпарт прадуктаў, якія часта вырабляюцца зняволенымі ў папраўчых калоніях.
- Еўрапарламент адхіляе ўсе пагадненні, заключаныя Лукашэнкам ад імя беларускай дзяржавы, асабліва пасля 5 лістапада 2020 года.
- Заклікаў абвясціць супрацоўнікаў КДБ на тэрыторыі ЕС персонамі нон грата.
- Прапанаваў членам ЕС адклікаць для кансультацый сваіх паслоў з Мінска ў якасці палітычнага сігналу рэжыму Лукашэнкі і адмовіць беларускім дыпламатам у акрэдытацыі ў ЕС. А таксама, што беларускія афіцыйныя асобы не павінны запрашацца на афіцыйныя мерапрыемствы.
- Заклікаў абмежаваць выдзяленне сродкаў рэжыму Лукашэнкі і замарозіць любое супрацоўніцтва з ім. А таксама прыняў да ведама пастаянныя інвестыцыі недэмакратычных краін, асабліва Расіі і Кітая, у Беларусь.
- Калі Крэмль працягне сваю бягучую палітыку ў дачыненні да Беларусі, ЕС павінен будзе ўвесці дадатковыя меры стрымлівання ў дачыненні да Расіі.
- Заявіў, што Крэмль датычны да арганізацыі міграцыйнага крызісу на межах Беларусі з ЕС.
- Заклікаў членаў ЕС актыўна прымяняць прынцып універсальнай юрысдыкцыі і рыхтаваць судовыя справы супраць беларускіх службовых асоб, адказных або датычных да гвалту і рэпрэсій, уключаючы Аляксандра Лукашэнку.
- Заклікаў спрасціць працэдуры атрымання віз і пражывання для тых, хто бяжыць з Беларусі па палітычных прычынах.
- Заклікаў ЕС даць магчымасць для стварэння дэмакратычнага прадстаўніцтва Беларусі ў Брусэлі і прапануе іншым чальцам ЕС падаць афіцыйную акрэдытацыю беларускаму дэмакратычнаму прадстаўніцтву.
- Заклікаў разгледзець магчымасць перадачы справы Беларусі ў Міжнародны Суд на падставе парушэнняў Чыкагскай канвенцыі, Манрэальскай канвенцыі і Канвенцыі ААН супраць катаванняў, учыненых рэжымам Лукашэнкі.
- Падкрэслівае велізарную важнасць стварэння народных пасольстваў Беларусі ва ўсім свеце, і настойліва заклікае Камісію і дзяржавы-чальцы аказваць далейшую падтрымку для абароны правоў і інтарэсаў беларускіх грамадзян за мяжой і інтарэсаў дэмакратычнай Беларусі, напрыклад, шляхам вывучэння спосабаў для фінансавання народных пасольстваў Беларусі.
Больш падрабязна з дакументам можна азнаёміцца тут.
