In English:
A group of servicemen of the 11th Separate Mechanized Brigade of the Belarusian Armed Forces is being trained in Russia?
На русском языке:
Группа военнослужащих 11-й омбр. ВС РБ проходит обучение в РФ?
«Для вайскоўцаў 11-й асобнай гвардзейскай механізаванай брыгады была арганізавана экскурсія ў выходны дзень», – такая кароткая нататка (разам з фотасправаздачай) была апублікаваная ў канале 11-й механізаванай брыгады ВС РБ.
«Беларускі Гаюн» звярнуў увагу, што сярод апублікаваных фатаграфій было і фота ля помніка Валерыю Чкалаву. Такі помнік (сярод іншага) усталяваны і ў горадзе Ніжні Ноўгарад (РФ).
Беларускія вайскоўцы каля помніка Чкалаву ў Ніжнім Ноўгарадзе.
Характэрна, што за 70 кіламетраў ад горада, у сяле Муліна, знаходзіцца 333-і цэнтр баявой падрыхтоўкі (Сухапутных войскаў, Паветрана-дэсантных войскаў, берагавых войскаў ВМФ) Заходняй ваеннай акругі УС РФ.
Беларускія вайскоўцы ў Ніжнім Ноўгарадзе
Нагадаем, што ў сакавіку 2021 года было абвешчана аб планах стварыць у Ніжагародскай вобласці РФ цэнтр сухапутных войскаў, які будзе спецыялізавацца на сумеснай падрыхтоўцы мотастралковых і танкавых падраздзяленняў УС РБ і УС РФ (так званы сумесны навучальна-баявы цэнтр). Ужо ў лістападзе 2022 года ў 333-м цэнтры праходзіла навучанне групы вайскоўцаў 6-й механізаванай брыгады УС РБ.
Такім чынам можна меркаваць, што на фатаграфіях, хутчэй за ўсё, чарговая група вайскоўцаў УС РБ, якая адправілася для навучання ў Расію. Мяркуючы па іх колькасці, гаворка можа ісці аб адной мотастралковай або танкавай роце.
