На русском языке:
Источники: Нацбанк приказал всем банкам ввести комиссии на снятие валюты россиянами
Беларускія банкі пачалі масава ўводзіць абмежаванні на зняцце валюты замежнымі грамадзянамі і справа зусім не ў «самадзейнасці» беларускіх банкаў, а ў рашэнні Нацбанка РБ. Вядома, што на мінулым тыдні ў Нацбанку прайшла нарада, на якой банкам было даведзена ў найкарацейшыя тэрміны ўстанавіць камісію за зняцце наяўных з рахункаў для нерэзідэнтаў у памеры мінімум 15%.
Канчатковая мэта — абмежаваць магчымасць здзяйснення валютна-абменных аперацый расейцамі, не даць забіраць і вывозіць з Беларусі замежную валюту.
Відавочна, што Нацбанк не хоча асацыяваць сябе з гэтым рашэннем, таму ніякіх афіцыйных дакументаў няма, усё даводзілася ў вуснай форме. Але і прычыны рашэння, скажам так, важкія. У апошнія месяцы расейцы пачалі масава ездзіць у Беларусь і скупляць даляры (і еўра), зарабляючы на курсавой розніцы. Цяпер жа Нацбанк РБ спрабуе ў прамым сэнсе спыніць вымыванне валюты з краіны.
«У Расіі прысутнічае цяпер такая валютная схема: купіць даляр за рублі, перавесці на свой замежны кошт, абнаявіць у замежным банку, увесці назад у РФ наяўныя USD, прадаць даражэй», — паведамляюць крыніцы.
Якія банкі ўжо ўвялі абмежаванні для нерэзідэнтаў (расейцаў)?
🏦 Банк Дабрабыт. Камісія 20% за выдачу наяўных з рахункаў для нерэзідэнтаў (выключэнне — рас.рублі і зарплаты);
🏦 Альфа-Банк (Беларусь). Камісія 15% за выдачу наяўных у касах банка і ліміт на зняцце наяўных з карт банкаў-нерэзідэнтаў у банкаматах — 500 рублёў у тыдзень;
🏦 МТБанк. Камісія 15% за залічэнне грашовых сродкаў па Р2Р-пераводах, выкананым у прыладах і сэрвісах банкаў-нерэзідэнтаў і ліміт на зняцце наяўных з карт банкаў-нерэзідэнтаў у банкаматах — 500 рублёў у тыдзень;
🏦 Банк ВТБ (Беларусь). Ліміт на зняцце з картак «Мір» банкаў-нерэзідэнтаў — 5 рублёў.
🏦 БНБ-Банк. Забарона на Р2Р-пераводы на карты банка з-за мяжы ў любых валютах.
