На русском языке:
На допросы на границах стали уводить и граждан Литвы?
Дэпартамент дзяржбяспекі Літвы (ДДБ) паведаміў, што ўзмоцненыя праверкі тэлефонаў і допыты пры перасячэнні мяжы Беларусі зараз распаўсюджваюцца і на грамадзян Літвы. Паводле інфармацыі ДДБ, праверкі літоўцаў уключаюць у сябе: праверкі кампʼютараў і тэлефонаў, кантактаў у іх, акаўнтаў у сацсетках, фатаграфій і маршрутаў у картах.
«Падчас праверак супрацоўнікі беларускіх службаў збіраюць інфармацыю аб палітычных поглядах і працы грамадзян Літвы і спрабуюць высветліць, ці маюць яны дачыненне да памежных, праваахоўных ці разведвальных органаў», – заяўляе ДДБ.
ДДБ таксама піша, што вядома аб шэрагу выпадкаў, калі грамадзянам Літвы адмаўлялі ва ўездзе ў Беларусь, калі высвятлялася, што яны падтрымліваюць Украіну і асуджаюць агрэсію РФ. Таксама сказана, што на допытах грамадзян Літвы прымушаюць да супрацоўніцтва са спецслужбамі Лукашэнкі шляхам шантажу і псіхалагічнага ціску.
Хочам даведацца ў тых, хто апошнім часам перасякаў мяжу Літва і Беларусі, ці бачылі вы, каб на допыты адводзілі грамадзян Літвы ці іншых замежнікаў? Магчыма, адводзілі менавіта вас і вы можаце расказаць падрабязнасці?
Будзем удзячныя за любую інфармацыю ў @motolko_bot. Для сувязі з намі вы можаце перадаваць дадзеныя праз вашых сяброў/родных за мяжой ці выкарыстоўваць ананімную форму на сайце ці пісаць нам на пошту [email protected]
