На русском языке:
Названия всех объектов на OpenStreetMap могут начать писать на беларусском языке
Сёння распачалося галасаванне за пераклад найменняў аб’ектаў на мапе OpenStreetMap у Беларусі з рускай на беларускую мову. На дадзены момант, згодна ўнутраных правілаў супольнасці, усе назвы беларускіх аб’ектаў запаўняюць па-расейску, але неўзабаве ўсё можа змяніцца.
OpenStreetMap (OSM) — гэта папулярная свабодная мапа свету, якая выкарыстоўваецца ў Facebook, Instagram, Organic Maps і шматлікіх іншых дадатках, медыйных, некамерцыйных і дзяржаўных установах (у тым ліку ў Беларусі).
Таму, калі вы актыўны карыстальнік OSM, то прама зараз можаце прыняць удзел у галасаванні. Дзеля гэтага аўтарызуйцеся на wiki.openstreetmap.org і пакіньце свой голас у адпаведным раздзеле на старонцы. Падлік галасоў скончыцца а 23:59 07 кастрычніка 2022 г.
Рашэнне будзе прынятым, калі за яго выкажуцца 75% прагаласаваўшых ад усіх галасоў «за» і «супраць» актыўных удзельнікаў OSM Беларусі (актыўны ўдзельнік — гэта той, хто рэдагаваў мапу ня меней чым у трох розных месяцах за апошні год на тэрыторыі Беларусі).
Адметна, што на цяперашнюю хвіліну, большасць карыстальнікаў выказваюцца за перайменаванне, але іх трэба падтрымаць.
Прыняць удзел у галасаванні можна тут.
