На русском языке:
Угроза ракетных обстрелов Украины со стороны Беларуси сохраняется до конца марта 2024 года
Дзеянне зоны абмежавання для палётаў усіх тыпаў грамадзянскіх паветраных суднаў (уключаючы БПЛА) на вышынях 0-19 800 метраў на поўдні Беларусі прадоўжана згодна з NOTAMN O0839/23 з 00 гадзін 1 студзеня па 23:59 31 сакавіка 2024 года.
Гэтае абмежаванне не распаўсюджваецца на авіяцыю ВПС РБ і ДПК РБ, а таксама на авіяцыю МНС РБ, якая выкарыстоўваецца пры тушэнні пажараў і ажыццяўляе санітарныя рэйсы. Тэрыторыя зоны абмежавання не змянілася.
Забарона на палёты над паўднёвай часткай Беларусі была ўведзена 24 лютага 2022 г. з пачаткам расійскага ўварвання ва Украіну. Менавіта з поўдня Беларусі і адбываюцца запускі ракет па тэрыторыі Украіны і іх транзітны пралёт з Расіі (у тым ліку беспілотнікаў). З пачатку вайны з тэрыторыі Беларусі па ўкраінскіх гарадах было запушчана не менш як 721 ракета.
Апошні ракетны запуск па тэрыторыі Украіны з паветранай прасторы РБ быў зафіксаваны 6 кастрычніка 2022 г.
Такім чынам, пагроза ракетных абстрэлаў тэрыторыі Украіны з паветранай прасторы Беларусі захоўваецца як мінімум да канца сакавіка 2024 года.
