На русском языке:
Полина Шарендо-Панасюк объявила голодовку
Праваабаронцы «Вясны» паведамляюць, што палітзняволеная актывістка Паліна Шарэнда-Панасюк з 23 жніўня трымае галадоўку.
Палітзняволеная цалкам адмовілася ад ежы ў пратэст супраць жудасных умоў, створаных адміністрацыяй ІЧУ Рэчыцкага РАУС, дзе яе трымаюць.
«Пасля прыбыцця ў ізалятар Паліну змясцілі ў камеру-адзіночку з поўнай антысанітарыяй, у якой ёсць насякомыя. У яе забралі ўсе асабістыя рэчы і прадукты, якія яна прывезла з сабой. Спаць яна павінна на жалезных крывых пласцінах «шконкі», паколькі ёй не выдалі ніякіх пасцельных рэчаў. Яе не выводзяць на прагулкі і забаранілі ўсе віды перадачаў», – паведамляюць праваабаронцы.
Паліна Шарэнда-Панасюк павінна была выйсці на волю мінулым летам, але яе асудзілі яшчэ на 1 год калоніі, а ў красавіку гэтага года на жанчыну завялі яшчэ адну крымінальную справу за «Злоснае непадпарадкаванне патрабаванням адміністрацыі папраўчай установы».
