На русском языке:
Польская компания, связанная с контрабандой беларусской древесины в ЕС, отказала журналистам в комментарии, сославшись на «экстремистскую деятельность»
Беларускі расследвальніцкі цэнтр расказаў, што пры падрыхтоўцы расследавання аб кантрабандзе беларускай драўніны ў ЕС, яны спрабавалі атрымаць каментар у польскай кампаніі BLK Trading, якой валодае беларускае дзяржаўнае прадпрыемства дрэваапрацоўкі «Мастоўдрэў».
Па дадзеных цэнтра, BLK Trading займаецца пастаўкамі прадуктаў дрэваапрацоўкі з Беларусі ў Польшчу ў абыход санкцыяў.
Дык вось у BLK Trading журналістам заявілі, што
«прадастаўленне якіх-небудзь каментароў і інтэрв’ю Старшынёй Праўлення як грамадзянінам Рэспублікі Беларусь можа быць кваліфікавана ў адпаведнасці з беларускім крымінальным заканадаўствам як прапаганда экстрэмісцкай дзейнасці, таму не дапускаецца».
Пры гэтым у BLK не забыліся адзначыць, што яны зарэгістраваны ў Польшчы па ўсіх правілах мясцовага заканадаўства і «падлягаюць кантролю з боку розных незалежных органаў і ўстаноў на кожным этапе сваёй дзейнасці».
