На русском языке:
Правозащитница Наста Лойка приговорена к 7 годам колонии
Пра гэта паведаміла «Медыязона». Так званая суддзя Алена Шылько прызнала Лойку вінаватай у распальванні варожасці за справаздачу аб пераследзе анархістаў у Беларусі за 2018 год: у дакладзе даецца крытычная ацэнка дзейнасці супрацоўнікаў міліцыі, паведамляе «Вясна».
Наста Лойка была затрымана 28 кастрычніка 2022 года. Да гэтага затрымання яна паспела адбыць 30 сутак. Пасля 28 кастрычніка яе чатыры разы асуджалі на 15 сутак. У канцы снежня палітвязню праваабаронцы прадʼявілі абвінавачанне па двух артыкулах: вядома, што адзін з іх – арт. 342 КК. Насту перавялі ў СІЗА-1.
Паводле інфармацыі Human Constanta, на судзе Наста заявіла, што падчас арышту яе двойчы адводзілі на гутаркі з супрацоўнікамі ГУБАЗіКа, дзе адзін раз яе ўдарылі электрашокерам, а 11 лістапада адзін з супрацоўнікаў ЦІП вывеў яе ва ўнутраны двор і пакінуў без адзення на 8 гадзін, з-за чаго яна моцна захварэла.
