На русском языке:
Приём документов на гуманитарную визу Польши прекратили визовые центры Минска, Гомеля и Могилева
Пра тое, што шэраг візавых цэнтраў спыняе выдачу гуманітарных візаў Польшчы, яшчэ ў панядзелак паведамляў канал «Посмотри, брехня?». Сёння гэтую інфармацыю пацвердзіла выданне Zerkalo.io.
У консульскім аддзеле пасольства Польшчы ў Беларусі выданню паведамілі, што візавыя цэнтры Мінска, Гомеля і Магілёва спынілі прыём дакументаў на гуманітарныя візы.
Цяпер падацца на візу можна толькі ў візавых цэнтрах у Брэсце, Баранавічах і Пінску. Акрамя таго, беларусы, у якіх ёсць доказы, што яны патрапілі пад рэпрэсіі, могуць напісаць на e-mail мінскага консульства – гэтыя заяўкі будуць разглядаць індывідуальна.
Адказваючы на пытанне аб прычынах змяншэння пунктаў падачы ў ведамстве адказалі: «Гэта рашэнне міністэрства замежных справаў Польшчы, тут каментаваць складана. Але ў нас скарачаецца колькасць дыпламатаў, супрацоўнікаў, і таму крыху скарачаецца і колькасць дакументаў, якія прымаюцца».
