На русском языке:
Сына политика Анатолия Лебедько Артема приговорили к 3,5 годам колонии
Арцём Лябедзька не прызнаў сваю віну. Прысуд яму вынес «суддзя» Мінскага гарадскога суда Яўген Пісарэвіч.
Арцёма Лябедзьку затрымалі напрыканцы сакавіка і потым двойчы асудзілі на 15 сутак арышту. Яго абвінавацілі ў «фінансаванні экстрэмісцкай дзейнасці», паведамляюць праваабаронцы «Вясны». Размова ідзе, хутчэй за ўсё, пра фонды BY_help і Беларускі фонд спартыўнай салідарнасці. Справу ў адкрытым рэжыме разглядае суддзя Яўген Пісарэвіч, дзяржаўнае абвінавачанне падтрымлівае пракурор Раман Бізюк.
На судзе палітвязень не прызнаў віну і заявіў, што яму і зусім не зразумелая сутнасць прад’яўленых абвінавачанняў і не разумее, за што ён на лаве падсудных.
Анатоль Лябедзька лаканічна пракаментаваў прысуд свайму сыну.
