На русском языке:
В Борисовском районе пройдут учения с территориальной обороной
З 20 сакавіка пад кіраўніцтвам начальніка Генштаба УС РБ праводзіцца праверка ўзроўню падрыхтоўкі тэрытарыяльнай абароны Мінскай вобласці. Пра гэта паведаміла МА РБ.
Падчас праверак мясцовыя органы ўлады Барысаўскага раёна сфарміруюць штаб раёна тэрытарыяльнай абароны і асобны стралковы батальён тэрытарыяльных войскаў, які сумесна з органамі ўнутраных спраў адпрацуе задачы па прызначэнні. З запасу на ваенныя зборы плануецца прызваць каля 200 ваеннаабавязаных.
Таксама ў адной з сельскіх саветаў будуць адпрацаваны пытанні фарміравання і падрыхтоўкі атрада народнага апалчэння.
Нагадаем, што пра магчымае правядзенне вучэнняў у Барысаўскім раёне мы паведамлялі яшчэ 14 сакавіка. Вучэнні павінны адбыцца ў перыяд з 20 сакавіка па 14 красавіка.
Падраздзяленне тэрытарыяльнай абароны Барысаўскага раёна будзе размешчана ў санаторыі-прафілакторыі «Беліна». На закупку харчавання для ўдзельнікаў вучэнняў (255 чалавек) райвыканкам плануе выдаткаваць 76000 BYN ($26 866).
Адзначым, што ў бюджэце Барысаўскага раёна на 2023 год запланаваны выдаткі на нацыянальную абарону ў памеры 157 070 BYN ($55 087). Гэта ў 3,2 разы менш, чым у 2022 годзе.
