У Беларусі пачаліся сумесныя лётна-тактычныя вучэнні з авіяцыяй УС РБ і УС РФ

planespotters.net
4 хв.

На русском языке: В Беларуси начались совместные летно-тактические учения с авиацией ВС РБ и ВС РФ

МА РБ паведаміла пра пачатак сумеснага лётна-тактычнага вучэння авіяцыйных падраздзяленняў узброеных сіл РБ і РФ, якія ўваходзяць у склад авіяцыйнага кампанента рэгіянальнай групоўкі войскаў (сілаў). Чакаецца, што вучэнні будуць праходзіць з 16 студзеня да 1 лютага.

Паведамляецца, што ў іх прымае ўдзел авіяцыя ВКС РФ, пра што «Беларускі Гаюн» ужо паведамляў раней падчас прылёту ў Беларусь 12 верталётаў ВКС РФ 8 студзеня, і 8 знішчальнікаў ВКС РФ 15 студзеня.

МА РБ называе галоўнай мэтай вучэнняў – «павышэнне аператыўнай сумяшчальнасці пры сумесным выкананні вучэбна-баявых задач».

Таксама ў паведамленні ведамства пералічаны спіс пытанняў, якія плануе адпрацаваць авіяцыя на гэтых вучэннях:

  • Вядзенне паветранай разведкі;
  • Сумеснае патруляванне паветранай прасторы ўздоўж Дзяржаўнай мяжы;
  • Авіяцыйная падтрымка груповак войск;
  • Высаджванне тактычнага паветранага дэсанту;
  • Дастаўка грузаў і эвакуацыя параненых.

Акрамя таго, МА РБ яшчэ раз паведаміла, што для забеспячэння правядзення вучэння будуць задзейнічаныя ўсе аэрадромы і палігоны ВПС і войскаў СПА ВС РБ.

Папярэдні матэрыял
У Беларусь прыляцелі 8 знішчальнікаў ВКС РФ і 4 грузавыя барты
Наступны матэрыял
Польскі вытворца цягнікоў адмовіўся рамантаваць цягнік БЧ, які ўрэзаўся ў прычэп з гноем

Iншыя матэрыялы