На русском языке:
В Беларуси начался переход на антиген-тесты
У Беларусі пераходзяць на больш актыўнае выкарыстанне антыген-тэстаў на COVID-19. Пра гэта ў эфіры дзяржаўнага тэлеканала «Беларусь 1» сказаў галоўны дзяржаўны санітарны ўрач Аляксандр Тарасенка. Паводле яго слоў, прымяненне экспрэс-тэстаў на антыген распачата, каб не перагружаць лабараторыі. Іх будуць рабіць па назначэнні лекара, калі ёсць прыкметы ВРВІ.
У той жа час ПЛР-тэсты таксама могуць рабіць кантактам першага-другога ўзроўню пры праяве прыкмет захворвання. Такім чынам лекар будзе вырашаць зрабіць ПЛР або антыген-тэст пацыенту. Калі тэсты не выяўляюць COVID-19, то па заканчэнні сямі дзён самаізаляцыі такое тэставанне не праводзіцца.
«Па-першае, яны робяцца хутчэй, па-другое, яны танней, чым ПЛР-тэсты. Таму і ўнеслі карэкціроўкі ў нарматыўныя дакументы: у першую чаргу даследаванне на антыген, а потым па меркаванні лекара або пры адсутнасці антыген-тэстаў праводзіцца ПЛР-тэст», – сказаў Аляксандр Тарасенка.
