На русском языке:
В июне в Минской области пройдет учение с территориальной обороной?
Паводле звестак партала дзяржзакупак ваенны камісарыят Мінскай вобласці плануе закупіць паслугі па арганізацыі трохразовага харчавання ваеннаслужачых і ваеннаабавязаных ваенных камісарыятаў Мінскай вобласці на суму 42 539.10 BYN ($14 743). Адпаведны закуп быў апублікаваны 4 траўня.
У дакументах на закупку пазначана, што харчаванне павінна быць арганізавана з 21 па 30 чэрвеня 2023 года для 118 ваеннаслужачых ваенных камісарыятаў і 255 ваеннаабавязаных, прызваных з запасу.
Месцам аказання паслуг указаны ваенныя камісарыяты Мінскай вобласці. Выключэнне складае ваенны камісарыят Мінскай вобласці. Для яго дадатковым месцам указання паслуг указаны аздараўленчы комплекс «Агеньчык» у Смалявіцкім раёне (з 21 па 30 чэрвеня, на працягу трох каляндарных дзён па асобнай заяўцы).
Больш за ўсё ваеннаабавязаных плануецца забяспечыць харчаваннем у ваенным камісарыяце Мінскай вобласці (73 чалавекі) і Барысаўскага і Крупскага раёнаў (68 чалавек), а ваеннаслужачых – у ваенным камісарыяце Мінскай вобласці (53 чалавекі). У астатнім колькасць чалавек, для якіх павінна быць арганізавана харчавання, складае ад 1 да 8 для кожнага ваенкамата.
Такім чынам, з 21 па 30 чэрвеня можна чакаць правядзення ў ваенных камісарыятах Мінскай вобласці вучэння ці трэніроўкі. Адзначым, што ад кожнага ваеннага камісарыята Мінскай вобласці плануецца прыцягненне не толькі ваеннаслужачых ваенкаматаў, але і ваеннаабавязаных. У сувязі з гэтым можна меркаваць, што вучэнне будзе прысвечана фарміраванню тэрытарыяльных войскаў.
