На русском языке:
В Лиде озаботились вопросами гражданской обороны: будут проводить техобслуживание убежища
Лідскі райвыканкам аб’явіў аб правядзенні дзяржзакупак па тэхабслугоўванні сховішча і пункта кіравання грамадзянскай абаронай.
Закупка №1. Паслугі па тэхабслугоўванні ахоўнага збудавання (сховішча) грамадзянскай абароны, размешчанага па адрасе: г. Ліда, вул. Качана, 15/1 і дапаможнага будынку.
На гэта гатовыя выдаткаваць 32333 BYN ($ 11642). Характэрна, што гэты закуп абʼяўляецца ўжо другі раз, таму што з першага разу знайсці падрадчыка не ўдалося.
Згодна з конкурснымі дакументамі, у ходзе работ плануецца абслужыць усе камунікацыі сховішча – вадаправод, каналізацыю, цеплавыя сеткі, цеплавыя пункты, цэнтральны цеплавы пункт, гарачае водазабеспячэнне, ацяпленне, электраабсталяванне, унутраныя сілавыя і асвятляльныя сеткі і інш.
Закупка №2. Паслугі па тэхабслугоўванні пункта кіравання грамадзянскай абаронай Лідскага раёна, размешчанага па адрасе: г. Ліда, вул. Качана, 15. На дадзены момант гэтая закупка ўжо знаходзіцца ў статусе завершанай.
На ТО пункта кіравання грамадзянскай абароны вылучалі меншую суму – 6467 BYN ($ 2328).
Ва ўнутраных дакументах, прыводзіцца спіс са 165-і абʼектаў, якія падлягаюць агляду і тэхнічнаму абслугоўванню, уключаючы чайнікі, шчыткі, кандыцыянеры і г.д. Усе працы фінансуюцца з раённага бюджэту.
