На русском языке:
У верующих отбирают здание Красного Костёла
Яшчэ ўчора пра гэта папярэдне паведаміў тэлеграм-канал «Паглядзі, брахня?», а сёння інфармацыю пацвердзіў канал «Хрысціянская візія» са спасылкай на свае крыніцы.
Паведамляецца, што гаворка ідзе аб скасаванні дамовы бязвыплатнага карыстання Чырвоным Касцёлам з абшчынай «Рымска-каталіцкая парафія святога Сымона і святой Алены». Адпаведнае апавяшчэнне ўжо атрымалі касцёльныя ўлады. Ад парафіі патрабуюць забраць маёмасць з храму на працягу некалькіх дзён.
Прэс-сакратар каталіцкай царквы ў Беларусі Юры Санько пацвердзіў выданню «Радыё Свабода», што парафія касцёла сапраўды атрымала такое паведамленне. Паводле яго слоў, зараз рыхтуецца адказ.
