In English:
Packaging of Belarusian goods becomes cheaper and less colorful due to sanctions
На русском языке:
Упаковки беларусских товаров становятся менее красочными и «дешёвыми» из-за санкций
Яшчэ на пачатку чэрвеня мы расказвалі, што на беларускіх прадпрыемствах дэфіцыт упакоўкі для малака, ёгуртаў, віна, сокаў, сыркоў і іншых прадуктаў. Ужо тады стала зразумела, што праблема ў хуткім часе будзе не толькі на паперы, але і на паліцах крам у выглядзе «бледных» упаковак і адсутнасці розных трубачак, пластыкавых вечкаў і гэтак далей.
Мінуў усяго месяц, а ўпакоўкі прадуктаў ужо зусім не тыя. У большай ступені гэта датычыцца прадукцыі з РФ, аднак і беларускіх прыкладаў нямала.
Як змяніліся ўпакоўкі беларускіх прадуктаў усяго за некалькі месяцаў:
Дэсерт тварожны «Венскі сняданак».
Вырабнік: «Мінскі малочны завод № 1».
Кубачак стаў менш, пластык па якасці горш і танчэй. Прапала кардонка вакол кубачка, на якую быў нанесены малюнак і надпісы. Пішуць, што змяніўся і смак.
Ёгурт пітной «Клубніцы-банан».
Вырабнік: «Беллакт».
Упакоўка, якая раней была бэзавага колеру, цяпер проста белая.
Мука «Сталічны млын».
Вырабнік: «Мінскі камбінат хлебапрадуктаў».
Мука стала прадавацца ў звычайным белым пакаванні з інфармацыйнай налепкай ад вытворцы.
Сыр мяккі «Bonfesto» Рыкота.
Вырабнік: «Тураўскі малочны камбінат».
З упакоўкі зніклі ўсе каляровыя выявы, а таксама крышку з празрыстага пластыка замянілі на белую.
Удакладненне: Тураўскі завод купляе невялікую частку слоікаў без этыкетак і перыядычна выпускае ў крамы дробныя партыі прадукцыі ў такой тары. Залежыць ад таго на якую прадукцыю высокі попыт.
Мы жадаем сабраць пабольш такіх змен. Калі вы заўважалі, як пацьмянелі ўпакоўкі беларускіх прадуктаў – дасылайце фота ў @motolko_bot.
