На русском языке:
«Вагнер» остается в Беларуси? В лагере ЧВК находится более 1000 единиц техники
Паводле звестак маніторынгавай групы «Беларускі Гаюн», у верасні працягваліся работы па дэмантажы палявога лагера наймітаў ПВК «Вагнер» у в. Цэль. На 30 верасня там заставалася 99 намётаў – 35% ад першапачатковай колькасці. Усяго за верасень дэмантавалі – 30 штук.
Таксама, паводле нашых звестак, на канец верасня ў лагеры знаходзілася ≈ 1040 адзінак тэхнікі:
≈ 800 легкавых аўто (пікапы УАЗ, «буханкі», ГАЗелі, Лады і інш.);
≈ 100 грузавікоў (КамАЗы і Уралы);
≈ 8 бронеаўтамабіляў «Шчука» («Чакан») (+10 іх тэнтаваныя мадыфікацыі);
≈ 11 фур;
≈ 20 цягачоў;
≈ 10 аўтобусаў ПАЗ;
І больш за 80 адз. будаўнічай тэхнікі (КамАЗы, экскаватары, бульдозеры, аўтакраны і інш.).
Плюс да гэтага, нейкая колькасць тэхнікі знаходзіцца ў сховішчах (гаражах) былога парка баявых машын ваеннага гарадка ў в. Цэль. Акрамя таго, у лагеры знаходзіцца каля 37 грузавых металічных кантэйнераў.
Раней мы дапускалі, што з-за дэмантажу намётаў і надыходу восені частку наймітаў могуць перасяліць у былыя казармы на тэрыторыі лагера і, здаецца, гэта адбылося. Прынамсі, вядома аб малаважных рамонтных працах у казармах. І галоўнае, над пакінутымі намётамі няма комінаў ад буржуек, якія выкарыстоўваюцца для іх апалу.
На дадзены момант, можна канстатаваць, што найміты ПВК «Вагнер» працягваюць заставацца ў лагеры ў в. Цэль.
