На русском языке:
Войска ПВО РБ перевели в повышенную степень боевой готовности. Но об усиленном несении боевого дежурства сообщалось несколько месяцев назад
Сёння Лукашэнка наведаў 1072-ы цэнтральны камандны пункт ВПС і войскаў СПА. Падчас свайго візіту ён заявіў, што пасля ліквідацыі ў суботу, 13 траўня, чатырох бартоў ПКС РФ (бамбавік Су-34, знішчальнік Су-35 і два верталёты Мі-8) у Бранскай вобласці РФ войскі былі пераведзеныя ў падвышаную ступень баявой гатоўнасці.
У сваю чаргу, камандуючы ВПС і войскамі СПА А. Лукʼяновіч заявіў, што дзяжурныя сілы нясуць дзяжурства ва ўзмоцненым рэжыме:
«У сапраўдны момант прыцягваюцца дадатковыя сілы і сродкі. У нас штодня заступаюць на баявое дзяжурства па супрацьпаветранай абароне ад 750 да 1 000 чалавек. Дзяжурныя сілы пасля інцыдэнтаў у РФ былі прыведзены ў баявую гатоўнасць нумар адзін».
Таксама паведамлялася, што ва ўзмоцненым рэжыме ахоўваюцца ўсе аэрадромы і некаторыя абʼекты радыётэхнічных і зенітных ракетных войскаў.
Але ці было насамрэч нейкае ўзмацненне? Калі верыць заявай Лукʼяновіча, зробленай ім раней, то не.
Напрыклад, 31 сакавіка А. Лукʼяновіч заявіў, што (цытата) «Наш від войскаў нясе ўзмоцненае баявое дзяжурства, і, я думаю, у такім рэжыме мы будзем працаваць яшчэ доўга». Таксама ў пачатку красавіка Лукʼяновіч заявіў, што «Больш за тысячу чалавек штодзень заступае на баявое дзяжурства, каб захаваць, забяспечыць мірнае неба над нашай краінай». Такім чынам, калі верыць словам Лукʼяновіча, войскі СПА ўзмоцнена неслі баявое дзяжурства як мінімум яшчэ ў сакавіку 2023 года. А агучаная сёння колькасць вайскоўцаў, якія заступаюць на баявое дзяжурства па супрацьпаветранай абароне, у параўнанні з красавіком 2023 года не змянілася.
Таксама можна адзначыць, што раней паведамлялася аб нясенні ва ўзмоцненым рэжыме баявога дзяжурства па супрацьпаветранай абароне падраздзяленнямі 15-й зенітнай ракетнай брыгады.
Такім чынам, войскі СПА РБ неслі ўзмоцненае баявое дзяжурства і да збіцця самалётаў і верталётаў у Бранскай вобласці. Таксама можна адзначыць, што пасля інцыдэнту з самалётам ДРЛА А-50 на аэрадроме «Мачулішчы» сапраўды была ўзмоцнена ахова аэрадромаў. Напрыклад, літаральна ўчора, 14 мая, на аэрадроме «Лунінец» прайшла чарговая ратацыя верталёта Мі-8, які з нядаўняга часу знаходзіцца там на пастаяннай аснове.
