На русском языке:
Учиться за границей можно будет только после срочной службы
Сёння на Нацыянальным прававым інтэрнет-партале былі апублікаваныя прынятыя папраўкі ў Закон «Аб воінскім абавязку і воінскай службе».
Что изменилось?
- Была адменена адтэрміноўка ад праходжання тэрміновай службы для грамадзян, якія вучацца за мяжой. Выключэнне складаюць толькі студэнты, якія навучаюцца за мяжой па накіраванні дзяржаўных органаў.
- Павялічыўся тэрмін, неабходны для залічэння ў запас у выпадку, калі грамадзянін не праходзіў тэрміновую ваенную службу, але праходзіў службу ў сілавых ведамствах (органы ўнутраных спраў, Следчы камітэт, Дзяржаўны камітэт судовых экспертыз, органы фінансавых расследаванняў і па надзвычайных сітуацыях). Калі раней замест тэрміновай службы можна было праслужыць ва ўказаных ведамствах не менш за 2 гады, то з новымі папраўкамі гэты тэрмін вырас да 5 гадоў.
Калі разглядаць названыя вышэй змены толькі з пункту гледжання камплектавання УС РБ і іншых сілавых структур, то можна адзначыць наступнае:
1) МА РБ працягвае вырашаць праблему недахопу прызыўнікоў за кошт скарачэння падстаў для адтэрміновак. Тым больш, што з-за працэсараў эміграцыі насельніцтва, якія адбываюцца ў краіне, патэнцыйныя прызыўнікі лічаць за лепшае зʼязджаць вучыцца за мяжой і не вяртацца ў РБ для праходжання тэрміновай службы.
2) Папраўкамі была зачынена «шчыліна», якая дазваляла замест «бясплатнай» тэрміновай службы адпрацаваць/адслужыць (атрымліваючы зарплату) 2 гады, напрыклад, у МНС, звольніцца і пазбегнуць прызыву. Акрамя павелічэння колькасці патэнцыйных прызыўнікоў названымі папраўкамі памяншаецца колькасць «залётных» людзей, якія прыйшлі працаваць у сілавыя структуры, каб «адкасіць ад войска». У канчатковым рахунку гэта дапаможа мацней прывязаць людзей да службы ў сілавых структурах. Бо, каб пазбегнуць тэрміновай службы, зараз трэба адслужыць не менш за 5 гадоў, а пасля такога доўгага кантракту чалавек з большай верагоднасцю заключыць новы, чым звольніцца на грамадзянку. Бо ў адваротным выпадку давядзецца служыць тэрміновую службу (чаго не вельмі хочацца рабіць).
Прынятыя навэлы заканадаўства лішні раз пацвярджаюць тыя праблемы, з якімі даводзіцца сутыкацца МА РБ пры камплектаванні войскаў прызыўнікамі.
