In English:
A new image of the PMC Wagner camp near Asipovichy appeared
На русском языке:
Появился новый снимок лагеря ЧВК «Вагнер» под Осиповичами
Выданне The Washington Post апублікавала новы спадарожнікавы здымак базы ПВК «Вагнер» пад Асіповічамі. Здымак прадстаўлены кампаніямі Maxar Technologies і Umbra і, па словах старэйшага дырэктара Maxar Стывена Вуда, ён паказвае, што «нядаўна на абʼект прыбылі дзясяткі, калі не сотні, транспартных сродкаў і абсталявання».
Змяненні бачныя нават пры параўнанні здымка апублікаванага сёння са здымкам Planet ад 19 ліпеня, не кажучы ўжо пра больш раннія фатаграфіі 14 і 16 ліпеня.
Напрыклад, на сённяшнім здымку відаць, што поле (цэнтральная частка) ужо цалкам застаўлена нейкімі абʼектамі. Якасць здымка не дазваляе зразумець, але з высокай доляй верагоднасці можна сказаць, што гэта аўтамабілі, якія 19-га чысла займалі толькі палову зялёнай вобласці, а цяпер ужо амаль усю. У той жа час, умоўная стаянка грузавікоў, што размешчана лявей поля, быццам стала меншай.
Адзначым, што на здымку паказаны не ўвесь лагер у в. Цэль, а толькі яго паўднёва-заходняя частка.
