На русском языке:
Задержана жена политзаключённого Игоря Лосика Дарья Лосик
У адным з каналаў пад кіраваннем ГУБАЗіК апублікаваны пост, дзе ўказваецца, што на Дар’ю можа быць заведзена крымінальная справа па арт. 361-4 КК РБ «Садзейнічанне экстрэмісцкай дзейнасці» за інтэрвʼю тэлеканалу «Белсат».
Медыякансультант «Радыё Свабода» Ігар Лосік быў затрыманы 25 чэрвеня 2020 года. У снежні 2021 года ён быў прыгавораны Гомельскім абласным судом да 15 гадоў калоніі ўзмоцненага рэжыму па «справе Ціханоўскага». Нядаўна палітвязню дазволілі спатканне з жонкай, якое працягнулася суткі. У Дарʼі і Ігара ёсць трохгадовая дачка Паўліна.
«Радыё Свабода» піша, што з ператрусам да Дарʼі Лосік прыйшлі а 7:30, калі дзяўчына з дачкой яшчэ спалі. Дарʼі далі патэлефанаваць бацькам: маці хутка прыехала, але яе не пусцілі ў кватэру. Сілавікі ўручылі ёй пратакол ператрусу.
Цяпер Дарʼя Лосік затрыманая на трое сутак па крымінальнай справе. Яе павезлі ў Брэст. Трохгадовая Паўліна Лосік засталася з бабуляй і дзядулем.
