In English:
Is a company associated with Lukashenka, which mines gold in Africa, financing the war against Ukraine?
На русском языке:
Компания, связанная с Лукашенко, добывающая золото в Африке, финансирует войну против Украины?
Нігерыйская газета Vanguard са спасылкай на аналітыка па міжнародных справах Эмесакору Эніфоме піша, што прыбытак, атрыманы чыноўнікамі РБ ад гандлю зімбабвійскім золатам, ідзе на фінансаванне ўзброеных фармаванняў Беларусі і РФ на фоне харчовага крызісу ў Афрыцы. Аналітык лічыць, што «залатая жыла» чыноўнікаў Лукашэнкі ў Зімбабвэ – гэта каналы фінансавання расійскай агрэсіі супраць Украіны.
Эніфоме нагадаў, што яшчэ ў 2018 годзе Віктар Шэйман заключыў у Зімбабвэ шэраг здзелак па разведцы карысных выкапняў: золата, плаціны і рэдказямельных металаў. Іх пачалі здабываць праз прадпрыемства Zim Goldfields, якім таемна валодаў сын Шэймана – Сяргей і «зброевы барон» Аляксандр Зінгман.
З дакументаў Pandora Papers вядома, што 70% Zim Goldfields кантраляваліся брытанскай падстаўной кампаніяй Midlands Goldfields Limited, якую праз падстаўных асоб і кампанію на Сейшэлах Midlands Goldfields Foundation кантралявалі Сяргей Шэйман і Аляксандр Зінгман. Пры гэтым Зінгман усяляк хаваў свой удзел у «залатым прадпрыемстве».
«Падобна, што абедзве кампаніі-пустышкі былі створаны спецыяльна для таго, каб скарыстацца магчымасцю, прадстаўленай афіцыйным візітам Віктара Шэймана ў Зімбабвэ», – лічыць аналітык.
Вядома, што яшчэ ў маі 2018 года Zim Goldfields атрымала пяцігадовы «спецгрант» на здабычу золата на ўчастку ракі Мутары, воднага шляху ва ўсходняй частцы Зімбабвэ. І нягледзячы на пратэсты ў Беларусі 2020 года і пачатак вайны, супрацоўніцтва ўрада Зімбабвэ з чыноўнікамі Лукашэнкі не спынілася.
«Кіраўніцтва шэрагу афрыканскіх краін працягвае супрацоўнічаць з рэжымамі ў Расеі і Беларусі – у прыватнасці, урад Зімбабвэ, які ў 2018 годзе падпісаў кантракт з Беларуссю на здабычу золата і плануе афіцыйна аформіць падаўжэнне гэтага кантракту ў траўні 2023 года. Дазвол краіне-агрэсару здабываць золата, у тым ліку і на тэрыторыі Зімбабвэ, можа быць вытлумачана толькі як дапамога ў фінансаванні міжнароднага тэрарызму, паколькі мільёны долараў, атрыманыя ад гандлю афрыканскім золатам, ідуць на фінансаванне ўзброеных фарміраванняў Расіі і Беларусі, і толькі павышаюць узровень пагрозы выжыванні народаў Афрыкі», – сказаў Эніфоме.
