У рэдакцыю даслалі дакумент — праект «Аб зменах Падатковага кодэкса Рэспублікі Беларусь».
Адразу скажам, праект зменаў Падатковага кодэкса Беларусі яшчэ не апублікаваны, таму пацвердзіць сапраўднасць гэтага дакумента немагчыма.
Мы параўналі інфармацыю, што змешчана ў дадзеным дакуменце з актуальным Падатковым кодэксам Беларусі. Расказваем, якія новаўвядзенні прапісаныя ў дадзеным дакуменце.
▪️ІП, натарыусы і адвакаты больш не маюць права карыстацца спрошчанай сістэмай падаткаабкладання (ССП), цяпер гэта рабіць могуць толькі арганізацыі
У актуальнай версіі Падатковага кодэкса ў артыкуле 324 сказана, што карыстацца ССП маюць права ІП, натарыусы, адвакаты і арганізацыі. У дадзеным дакуменце гэта права даецца толькі арганізацыям.
▪️Карыстацца ССП забараняецца арганізацыям, якія маюць філіялы
Гэта сказана ў п.2.3. арт.324. У актуальным Падатковым кодэксе такога пункта няма.
▪️З 2022 года ўсталёўваецца ліміт на карыстанне ССП – выручка не больш за 1 000 000 рублёў і колькасць работнікаў у штаце не больш за 15 чалавек
Гэта сказана ў п.2.6. арт.324. У актуальным Падатковым кодэксе такога пункта няма.
▪️ССП па адгрузцы з вядзеннем бухгалтарскага ўліку таксама больш няма, толькі па аплаце з вядзеннем у кнізе
Гэта сказана ў п.1. арт.333. У актуальным Падатковым кодэксе такога пункта няма.
▪️ССП з ПДВ (падатак на дадатковую вартасць) больш не існуе, толькі без ПДВ. Хто хоча быць плацельшчыкам ПДВ – той карыстаецца агульнай сістэмай падаткаабкладання
Артыкул 329 у дадзеным дакуменце: «Стаўка падатку пры спрошчанай сістэме вызначаецца ў памеры пяць (5) адсоткаў».
Такім чынам, калі ў актуальным Падатковым кодэксе для ІП стаўка 5% на ССП, то ў дадзеным дакуменце мінімальная стаўка 13% ад выручкі або 16%. Гэта значыць, падатак для ІП стане мінімум у 2,5 разы вышэй, чым цяпер.
