На русском языке:
EPAM переводит всю свою работу на иностранные сервера
Па нашай інфармацыі, супрацоўнікі EPAM атрымалі рассылку, у якой кампанія просіць усіх супрацоўнікаў пераканацца, што ўсе іх праекты і прылады для працы захоўваюцца на замежных серверах.
Гаворыцца, што працэс пераводу ўсіх тэхнічных працэсаў будзе завершаны цягам 2-х тыдняў. Робіцца гэта для таго, каб каманды распрацоўшчыкаў маглі працаваць нават у выпадку прыпынення працы офісаў EPAM у Беларусі.
Прасцей кажучы, уся праца кампаніі павінна быць выведзеная з краіны, каб нават у выпадку прыходу сілавікоў у офісы, яны не змаглі атрымаць доступ да інфармацыі.
Таксама нельга выключаць, што робіцца гэта і для таго, каб у выпадку адключэння інтэрнэту ў Беларусі, не спынілася праца для замежных каманд распрацоўшчыкаў.
Адзначым, што падобную працэдуру многія ІТ-кампаніі Беларусі зрабілі яшчэ пару гадоў таму, пасля арышту Віктара Пракапені ў 2015 годзе. Другая хваля пераводу тэхнічных працэсаў была восенню 2020 года.
Дапоўнена:
Паведамляюць, што перавод на замежныя сервера негалосна ўзгадняецца толькі на ўнутраных праектах (так званых BSS). Пад замежнымі серверамі разумеюцца тыя ж сервера EPAM, якія знаходзяцца ў распараджэнні EPAM, але зараз замест рэгіёну BY — будзе любы іншы RU, HU і гэтак далей.
Па словах крыніц, перавод робіцца і каб даць магчымасць праектам, якія транснацыянальныя (беларуска-руска-ўкраінскія і гэтак далей), не быць залежным ад палітычнай абстаноўкі ў краіне. Акрамя таго на серверах захоўваецца розная канфідэнцыйная інфармацыя.
