Адвакат з Ізраіля, затрыманая за 2,5 грама марыхуаны, пакінула Беларусь

Ynet
Абноўлена
Абноўлена: 30 снежня 2021 23:57
5 хв.

Сёння ў Мінску быў суд над ізраільскім адвакатам Маяй Райтэн-Столь. Паводле інфармацыі motolko.help, яе вызвалілі ў залі суда і яна пакінула Беларусь.

Адвакат з Ізраіля, затрыманая за 2,5 грама марыхуаны, пакінула Беларусь

Сённяшняе судовае паседжанне над ізраільскім адвакатам / motolko.help

Ізраільскае выданне Ynet паведамляе, суд прызначыў ёй штраф у $2500. Акрамя таго, выданне піша, што падчас размовы прэзідэнта Ізраіля Іцхака Герцага з Лукашэнкам, у мінулы панядзелак, Герцаг заклікаў яго да ўмяшання для найхутчэйшага вызвалення Райтэн-Столь.

Адвакат з Ізраіля, затрыманая за 2,5 грама марыхуаны, пакінула Беларусь

Фота ізраільскага адваката Маі Райтэн-Столь пасля вызвалення / Фота: Ynet

Дапоўнена: Прэзідэнт Ізраіля Іцхак Герцаг, кіраўнік МЗС Яір Лапід і міністр фінансаў Авігдор Ліберман пракаментавалі вызваленне ізраільскага адваката Маі Райтэн-Столь.

«Рады, што Мая Райтэн-Столь была вызваленая і ляціць у Ізраіль. Дзякуй міністру замежных спраў Яіру Лапіду і міністру фінансаў Авігдору Ліберману і іншым супрацоўнікам за плённае, прафесійнае і паспяховае супрацоўніцтва, якое дазволіла вярнуць яе дадому», — напісаў прэзідэнт Ізраіля.

Міністр замежных спраў Ізраіля Яір Лапід напісаў, што Райтэн-Столь вяртаецца дадому разам са сваім братам, а Лібербан апублікаваў фатаграфію Маі ў дарозе дадому.

Ізраільскі адвакат Майя Райтэн-Столь была затрымана ў пачатку лістапада ў мінскім аэрапорце за тое, што мела пры сабе 2,5 грама марыхуаны. Яна прад’явіла мытнікам дазвол ад медыкаў на канабіс, аднак у Беларусі гэты дакумент не мае юрыдычнай сілы. У Беларусь адвакат прылятала на сустрэчу са сваім кліентам, ізраільскім бізнэсмэнам, аднак замест сустрэчы да сённяшняга дня яна знаходзілася ў СІЗА №1 на вуліцы Валадарскага ў Мінску.

In English: Israeli lawyer detained for 2.5 gram of marijuana left Belarus
На русском языке: Израильский адвокат, задержанная за 2,5 грамма марихуаны, покинула Беларусь

Папярэдні матэрыял
Pirelli Group спыняе партнёрства з БМЗ з-за парушэнняў правоў работнікаў
Наступны матэрыял
Кітай запусціў грузавы чыгуначны маршрут у абыход Беларусі

Iншыя матэрыялы