На русском языке:
AFET: Санкции против РФ должны быть зеркальны и на режим в РБ
Сябра Еўрапарламента, галандскі палітык ад Лейбарысцкай партыі Тэйс Ройтэн (Thijs Reuten) адрэагаваў на паведамленне журналіста RFE/RL Рыкарда Ёзвяка, у якім ён паведаміў, што новы пакет санкцый ЕС зноў не будзе накіраваны на рэжым у Беларусі.
Па-першае, Ройтэн выказаў надзею, што Еўракамісія і члены ЕС абдумаюць сваё рашэнне яшчэ раз і заявіў: «Мы некалькі разоў прасілі разглядаць нелегітымны рэжым у Беларусі і яго паслугачоў як паўнацэнных саўдзельнікаў агрэсіўнай вайны Расіі і незлічоных ваенных злачынстваў».
Па-другое, дэпутат паведаміў, што літаральна на мінулым тыдні камітэт Еўрапарламента па замежных справах (AFET) прагаласаваў за хадайніцтва аб рэзалюцыі з патрабаваннем люстранога прымянення ўсіх санкцый супраць РФ і ў адносінах да рэжыму ў РБ.
Пры гэтым важна падкрэсліць, што ў дакуменце AFET сказана, што санкцыі павінны быць уведзены не закранаючы выдачу віз для беларусаў.
«Настойваем на тым, каб усе санкцыі, якія прымяняюцца да РФ, былі люстэркава адлюстраваны ў дачыненні да рэжыму ў Беларусі, пазбягаючы неспрыяльных наступстваў, асабліва звязаных з выдачай віз для беларускага народа», – сказана ў хадайніцтве аб рэзалюцыі.
Іншымі словамі, у рэзалюцыі AFET сказана ўсё тое, што патрабавалі і патрабуюць прадстаўнікі дэмакратычных сілаў Беларусі і беларускія актывісты. Гэты дакумент, безумоўна, можна назваць пазітыўным у адносінах да беларускага народа. Спадзяемся, што ў Еўракамісіі таксама пачуюць словы беларусаў, як іх пачулі ў AFET.
