На русском языке:
Посольство Беларуси в Сирии вывесило список турфирм, которые могут оформлять визы в РБ
Выданне Reform.by паведамляе, што амбасада Беларусі ў Дамаску вывесіла на інфармацыйным стэндзе спіс упаўнаважаных фірм для афармлення беларускіх віз сірыйскім грамадзянам. Фота спісу публікуюць сірыйскія карыстальнікі сацыяльных сетак.
Гэта фірмы: ТАА «Дрым Джоб», УП «Нью віза», ТАА «Нью флэт», ТАА «Олірці», ТАА «Візак», ТАА «Разумна Туры», ТАА «Байлінг Тур», ТАА «Гольдэн Гольф Груп», ТАА «Прэстыж Трэвэл», ТАА «Оскартур», ТАА «Фламінга Трэвэл», ТАА «Ксаман Трэвэл».
Характэрна, што ўсе гэтыя фірмы ўжо згадваліся ў расследаванні Kyky.org. Там гаварылася, што яны могуць выдаваць візы грамадзянам арабскіх краін па прылёце ў закрытай зоне Нацыянальнага аэрапорта «Мінск» у абыход забароны на выдачу віз, які чамусьці закрануў беларускага аператара ANEX Tour, але не закрануў сірыйскія.
Больш за тое, супрацоўнікі сірыйскіх кампаній могуць бесперашкодна ўваходзіць у «рэжымную зону» аэрапорта разам са сваімі камп’ютарамі, друкаркамі і штампаваць візы прама «на каленцы». Хто і навошта падаў ім такія «эксклюзіўныя» умовы — застаецца толькі здагадвацца.
