In English:
Situation report on military activity on the territory of Belarus for April 16 by Hajun Project
На русском языке:
Оперативная сводка от Гаюна за 16 апреля о военной активности на территории Беларуси
Беларускi Гаюн апублікаваў аператыўную зводку аб ваеннай актыўнасці на тэрыторыі Беларусі на 07:00 17 красавіка.
Працягваецца перамяшчэнне калон УС РФ па тэрыторыі Беларусі (1, 2, 3). Калоны пераважна складаюцца з грузавікоў Урал і КАМАЗ, а таксама бензазапраўшчыкаў.
Можна вылучыць наступныя маршруты руху калон: Калінкавічы-Бабруйск, Жлобін-Светлагорск, Гомель-Рэчыца, Мазыр-Ельск, Мікашэвічы-Жыткавічы-Калінкавічы, Жлобін-Гомель, Хойнікі-Рэчыца, Лельчыцы-Мазыр. Можна канстатаваць паступовае скарачэнне інтэнсіўнасці перамяшчэння калон.
Адзначалася нязначная лётная актыўнасць на ваенных аэрадромах Беларусі. Так, у Лідзе зафіксаваны вылет знішчальніка (верагодней, навучальны ВПС РБ). У Баранавічы прыляцелі як мінімум 3 транспартныя Іл-76 ВКС РФ.
Фіксавалася актыўнасць УС РФ на чыгунцы:
- Перамяшчэнні: Гомель-Няцотны — Гомель-Пасажырскі, Калінкавічы-Гомель (раней быў заўважаны на чыгуначнай станцыі Козенкі, працягнуў рух да станцыі Навабеліца), Мінск-Ждановічы.
- Пагрузка тэхнікі была заўважана на чыгуначнай станцыі Ельск (да станцыі актыўна звозіцца ваенная тэхніка — тут і тут).
- Загружаныя эшалоны, а таксама саставы з пустымі платформамі былі заўважаныя на чыгуначных станцыях: Гомель-Паўночны і Хойнікі.
8 красавіка 2022 года па вакзале ў Краматорску (горад знаходзіцца пад кантролем Украіны) быў нанесены ракетны ўдар ТРК «Кропка-У». Расійскі бок, адмаўляючы сваю адказнасць за ракетны ўдар, заявіў, што «Кропка-У» не выкарыстоўваецца УС РФ; у войсках іх замянілі больш сучасныя «Іскандэры». «Беларускі Гаюн» прадстаўляе доказы выкарыстання Расіяй ТРК «Кропка-У». З апублікаванага радыёперахопу можна даведацца, што 18 сакавіка 2022 года транспартны Ан-124 ВКС РФ даставіў на аэрадром Мачулішчы тры пускавыя ўстаноўкі ТРК «Кропка-У».
Адзначаліся нязначныя перамяшчэнні ваеннай тэхнікі УС РБ. Так, па маршруце Мазыр-Ельск была заўважана невялікая калона.
Калі вам вядомая дадатковая інфармацыя аб перамяшчэнні ваеннай тэхнікі на тэрыторыі Беларусі, звяжыцеся з намі ў @HajunBYbot або праз форму для зваротнай сувязі ніжэй
