На русском языке:
Арестован экс-гендиректор «Милкавита»
Учора ўвечары тэлеграм-канал «Паглядзі, брахня?» апублікаваў непацверджаную інфармацыю пра арышт дырэктара ААТ «Мілкавіта» Віталія Нікуліна. З некалькіх крыніц нам удалося яе пацвердзіць, прычым за некалькі месяцаў да арышту, Нікуліна знялі з пасады.
Па нашай інфармацыі, былы генеральны дырэктар ААТ «Мілкавіта» Віталій Аляксандравіч Нікулін быў арыштаваны яшчэ ў пятніцу 22 кастрычніка, таксама ёсць інфармацыя, што ў той дзень арыштавалі не толькі яго, але і галоўнага бухгалтара і яшчэ двух супрацоўнікаў.
За два месяцы да арышту, прыкладна 19 жніўня, Нікуліна здымаюць з пасады генеральнага дырэктара і прызначаюць галоўным інжынерам. Паведамляюць, што прычына нібыта ў тым, што «прадпрыемства прыносіць мала прыбытку», на справе ж «Мілкавіта» — гэта адно з нямногіх паспяховых прадпрыемстваў Гомеля.
Пасада Нікуліна на сайце Мілкавіты / milkavita.by
«Дырэктарам Мілкавіты паставілі таварыша, які ні дня не працаваў не тое, што з малаком, а наогул у харчовай вытворчасці…»
На афіцыйным сайце прадпрыемства ні пра якія перастаноўкі не згадваецца. Мы змаглі знайсці кароткую нататку ў прафесійным выданні Прадукт.by, у раздзеле «новыя прызначэнні» сказана «ААТ «Мілкавіта» – Генеральны дырэктар Мацукоў Сяргей Уладзіміравіч». На сайце Мілкавіты, інфармацыя пра новага дырэктара з’явілася амаль праз месяц, толькі 17 верасня, у навіне аб праведзенай сустрэчы Мацукова з працоўным калектывам.
Гендырэктар Сяргей Мацукоў на сустрэчы з працоўным калектывам ААТ «Мілкавіта», 17 верасня / milkavita.by
«У Гомелі абсалютна нечакана для ўсіх знялі дырэктара Мілкавіты. Ён ажно ў лякарню трапіў. Замест яго паставілі намесніка дырэктара аблаўтатранс, які ніколі нідзе ў іншым месцы не працаваў, а тым больш не меў справу з малочнай вытворчасцю. Да яго на прыём па працоўных пытаннях цяпер па запісе (таму што ён спачатку спрабуе зразумець, што ад яго хочуць і пра што будзе ісці гаворка)», – паведамілі нашыя крыніцы.
Сапраўды, да прызначэння, Мацукоў займаў пасаду намесніка генеральнага дырэктара ААТ «Гомельаблаўтатранс», якое ён мае дачыненне да малочных прадуктаў — незразумела.
Варта таксама адзначыць, што гэта не першы выпадак арыштаў на прадпрыемстве. 13 студзеня 2020 года суд Чыгуначнага раёна Гомеля прыгаварыў былога генеральнага дырэктара ААТ «Мілкавіта» Сяргея Баборыку да пяці гадоў пазбаўлення волі з адбываннем пакарання ў калоніі ўзмоцненага рэжыму за хабар у буйным памеры (7500 даляраў).
«Гэта пляма на маёй біяграфіі, якую я буду змываць усё жыццё», — сказаў у апошнім слове Баборыка.
