10 сакавіка 2022 года, на 14 дзень вайны, мы апублікавалі матэрыял, дзе ўпершыню распавялі, што каля Нацыянальнага аэрапорта «Мінск» можа знаходзіцца камандны цэнтр беларускай групоўкі ВС РФ – так званая «Пляцоўка 400. Купал».
У тым жа матэрыяле мы звярнулі ўвагу, што на гэтай тэрыторыі прынамсі з пачатку сакавіка працавала сістэма радыёэлектроннай барацьбы (РЭБ), якая выклікала моцныя перашкоды навігацыйных сістэм GPS/GLONASS. Не выключана, што сродкі РЭБ служылі для прыкрыцця/абароны каманднага пункта.
Характэрна, што акрамя нас на гэта ж звярнуў увагу і карыстач Twitter John Wiseman, які, як аказалася, увесь гэты час не толькі назіраў за GPS-перашкодамі ва ўсім свеце, але і захоўваў іх, выпусціўшы на днях сайт з гістарычнымі дадзенымі па перашкодах.
Дык вось, зыходзячы з гэтых дадзеных атрымліваецца, што РЭБ на тэрыторыі Купала пачала працаваць як мінімум з 15 лютага 2022 года. Але самае цікавае, што праца РЭБ на Купале была спынена адразу пасля пачатку адступлення ВС РФ з Кіеўскага напрамку.
Гэта значыць, што GPS-перашкоды пад Менскам яшчэ да пачатку ўварвання з’яўляліся вельмі дрэнным сігналам, але гэтага тады яшчэ ніхто не разумеў.
In English:
How GPS jamming near Minsk became a precursor of war
На русском языке:
Как GPS-помехи под Минском стали предвестником войны
