На русском языке:
Беларусь запретила «западным» самолетам садиться в РБ без разрешения «властей»
Паводле звестак Motolko.help, Белаэранавігацыя з мэтай «абароны нацыянальных інтарэсаў» забараніла самалётам, якія заходзяць у паветраную прастору Беларусі з боку Латвіі, Літвы і Польшчы, рабіць пасадку ў Беларусі без спецдазволу МЗС РБ.
Выключэнне распаўсюджваецца на аварыйныя і надзвычайныя сітуацыі падчас палёту, а таксама на бізнес-авіяцыю.
Акрамя таго, гэтае абмежаванне дзейнічае і ў адваротны бок – самалётам, якія вылятаюць з аэрапортаў Беларусі, забаронена заходзіць у паветраную прастору Літвы, Латвіі і Польшчы без спецдазволу МЗС.
Забарона набывае моц з заўтрашняга дня, 3 снежня, і дзейнічае да 3 сакавіка 2024 года.
Адзначым, што санкцыі супраць беларускай авіяцыі былі ўведзеныя пасля прымусовай пасадкі самалёта Ryanair для затрымання Рамана Пратасевіча і Сафіі Сапегі. Былі забаронены палёты еўрапейскіх самалётаў над Беларуссю, таксама адменены ўсе рэйсы з ЕС у Мінск.
Наступствамі гэтага сталі страты Нацыянальнага аэрапорта, які перастаў прымаць еўрапейскую авіяцыю, і Белаэранавігацыі, якая зарабляла на пралётах самалётаў над Беларуссю.
