In English:
Belarusian delegation led by Parkhomchyk paid a visit to Togo on the plane of the «arms dealer» Zingman
На русском языке:
Беларусская делегация во главе с Пархомчиком совершила визит в Того на самолёте «оружейного барона» Зингмана
25 студзеня ў сталіцы афрыканскай дзяржавы Тога — Ламэ адбылася цырымонія атрымання 22 аўтобусаў для гарадской транспартнай сеткі. На фатаграфіях апублікаваных мясцовым выданнем Lomegraph можна заўважыць
міністра прамысловасці Беларусі Пятра Пархомчыка. Пра візіт, у рамках якога міністар «асабіста перадаў» беларускія аўтобусы вырабленыя для Тагалезскай Рэспублікі, толькі сёння афіцыйна паведаміла міністэрства прамысловасьці РБ. Аднак пры гэтым афіцыйная крыніца апусціла шэраг падрабязнасцяў.
Міністр прамысловасці РБ Пётр Пархомчык пераразае стужку на цырымоніі перадачы беларускіх аўтобусаў у Тога, 25 студзеня / Lomegraph
Рэдакцыі motolko.help стала вядома, што беларуская дэлегацыя на чале з Пархомчыкам прыляцела ў Тога на самалёце Аляксандра Зінгмана. Аўтобусы, якія нібыта «асабіста перадаў» Пархомчык, былі зробленыя пад брэндам SUB на жодзінскім заводзе «ЭТОН». А пагадненне аб іх пастаўцы яшчэ летам 2021 года з Міністэрствам інфраструктуры і транспарту Тагалезскай Рэспублікі заключыла дубайская кампанія Аляксандра Зінгмана AFTRADE DMCC.
«Мы радыя, што заключылі пагадненне аб пастаўцы 22 прыгарадных аўтобусаў у Тога і спадзяемся паставіць іх да канца года. Гэтыя аўтобусы ўжо працуюць у многіх краінах афрыканскага кантынента», — казаў тады Зінгман.
Гендырэктар тагалезскай кампаніі SOTRAL, якая кіруе аўтобусамі ў сталіцы Тога, тады сказаў: «Кожны з новых аўтобусаў AFTRADE, якія змяшчаюць больш за 70 чалавек, стане доўгачаканым дадаткам да нашай транспартнай сеткі».
Мясцовае выданне паведамляе, што на цырымоніі міністр транспарту Тога Афха Атча-Дэджы прывітаў супрацоўніцтва паміж Тога і Беларуссю, якое дазволіла набыць гэтыя «каштоўнасці». У адказ, Пархомчык запрасіў свайго тагалезскага калегу здзейсніць візіт у Беларусь. Дарэчы, пасля цырымоніі, беларуская дэлегацыя накіравалася ў Зімбабвэ.
