In English:
«Iskander», «Uragan», armoured personnel carriers and «Tiger»: Russian troops are spotted throughout the country
На русском языке:
«Искандеры», «Ураганы», БТРы и «Тигры»: войска РФ замечают по всей стране
У розных раёнах Беларусі працягваюць заўважаць расійскую вайсковую тэхніку. Паводле інфармацыі тэлеграм-канала @belzhd_live, усяго ў Беларусь павінна прыбыць 200 вайсковых эшалонаў РФ. Расказваем, дзе былі заўважаны расійскія войскі за апошні тыдзень.
Лакацыі, дзе была заўважана вайсковая тэхніка РФ з 20 па 26 студзеня 2022 года / motolko.help
Рэчыца
Паведамленні пра перамяшчэнні расійскай тэхнікі ў Рэчыцкім раёне прыходзяць літаральна кожны дзень. 21 студзеня ў Рэчыцу прыбыў чарговы расейскі цягнік, які прывёз тэхніку інжынерных войскаў РФ. На відэа прысутнічаюць гусенічныя БТР МТ-ЛБ, перасоўная радыёстанцыя Р-166-0,5 і машына спадарожнікавай сувязі Р-439-МД2, а таксама розныя ЗІЛы, КАМАЗы і нават экскаватар.
Днём пазней, на мясцовым вакзале былі таксама заўважаны танкі. Такую ж тэхніку бачылі і 24 студзеня на полі каля трасы Р32 Рэчыца-Лоеў і на трасе М10 у напрамку Мазыра.
Вайсковая тэхніка каля Рэчыцы накіроўвалася ў бок Мазыра па М10, 25 студзеня / motolko.help
Акрамя таго, 25 студзеня, калона расійскай вайсковай тэхнікі накіроўвалася ў бок Рэчыцы па трасе М10 ад Гомеля. А ў самой Рэчыцы ў цэнтры горада заўважылі расійскую вайсковую «буханку» з дзяржнумарам 7356 EM-25 (Усходняя ваенная акруга).
A convoy of Russian military equipment was heading from Gomel towards Rechitsa along the M10 highway today (25.01). pic.twitter.com/eKjnThP3Mm
— MotolkoHelp (@MotolkoHelp) January 25, 2022
У Рэчыцы ў цэнтры горада заўважылі расійскую вайсковую «буханку» / motolko.help
Асіповічы
20 студзеня ў Асіповічы прывезлі расійскія ракетныя комплексы Іскандэр. Варта адзначыць, што асіповіцкі палігон быў афіцыйна заяўлены як месца правядзення вучэнняў.
Расійскія ракетныя комплексы Іскандэр у Асіповічах, 21 студзеня / motolko.help
Акрамя таго, у раёне Асіповічаў заўважана калона расійскай вайсковай тэхнікі, якая рухалася раніцай 22 студзеня па трасе М5. На чорных нумарах машын паказаны 25 рэгіён (Усходняя ваенная акруга РФ).
Орша
22 студзеня ў раёне чыгуначнага вакзала Оршы заўважылі эшалон, які перавозіў расійскія рэактыўныя сістэмы залпавага агню «Ураган». Таксама ў раёне Оршы на трасе М1, 26 студзеня, рухалася калона расійскай тэхнікі ў бок Мінска.
Рэактыўныя сістэмы залпавага агню «Ураган» у Оршы / motolko.help
Later, on January 26, the same convoy of Russian vehicles was spotted on the M1 highway in the Orsha region. The cars continued to move towards Minsk. pic.twitter.com/t2Ob8fdNpg
— MotolkoHelp (@MotolkoHelp) January 26, 2022
Барысаў і Баранавічы
25 студзеня ў Барысаўскім раёне ў напрамку Мінска рухаўся эшалон з расійскай вайсковай тэхнікай. На цягніку перавозілі каля 50 розных вайсковых машын, характэрна, што многія з іх былі накрытыя тэнтам. Па нашай інфармацыі, пазней гэты ж цягнік заўважылі ў напрамку Баранавічаў.
A train with Russian military equipment was moving towards Minsk in the Borisov district this morning (25.01). About 50 different military vehicles were transported on the train, many of them were tent covered.
The same train was seen later in the direction of Baranavichy. pic.twitter.com/mWhxm4pz8c— MotolkoHelp (@MotolkoHelp) January 25, 2022
Мінск і Мінскі раён
23 студзеня калона расійскай тэхнікі з 50-м рэгіёнам на нумарах (Заходняя вайсковая акруга РФ) рухалася з боку Мінска ў бок Гомеля.
A convoy of Russian vehicles with the 50th region on license plates (Western Military District of the Russian Federation) was moving from Minsk towards Gomel (23.01). pic.twitter.com/kzMGvDJc89
— MotolkoHelp (@MotolkoHelp) January 24, 2022
У той жа дзень у Мінску быў заўважаны чарговы цягнік з расійскай вайсковай тэхнікай і яшчэ адзін у раёне станцыі «Мінск-Усходні» на наступны дзень.
Цягнік з вйасковай тэхнікай РФ у Мінску, 23 студзеня / motolko.help
Таксама вялікая калона вайсковай тэхнікі 25 студзеня накіроўвалася ў бок Брэста па МКАД-2 каля в. Абчак.
Калона тэхнікі на МКАД-2, 25 студзеня / motolko.help
У Ельску, за 20 км ад мяжы з Украінай, раніцай 23 студзеня былі заўважаныя ЗІЛы з накрытай задняй часткай, цалкам магчыма, гэта могуць быць машыны рэактыўнай артылерыі.
Расійскі цягнік з вайсковай тэхнікай, які рухаўся ў бок Барановіч, заўважылі 22 студзеня і ў Гарадзеі.
ЗІЛы ў Ельску, 23 студзеня / motolko.help
У Мар’інай Горцы ўдалося зняць момант разгрузкі расійскіх войскаў 24 студзеня. У той жа дзень у бок Мар’інай Горкі па трасе М4 рухалася калона расійскай вайсковай тэхнікі, сярод якой быў расійскі бронетранспарцёр БТР-82а.
Расійскі БТР-82а рухаецца па М4 у бок Мар'інай Горкі, 24 студзеня / motolko.help
Таксама вялізную калону расійскай вайсковай тэхнікі паветрана-дэсантных войскаў 26 студзеня заўважылі і на трасе М10. Машыны рухаліся ад Мікашэвіч у бок Лунінца.
На відэа можна заўважыць, што бронеаўтамабіль Тыгр з кулямётным модулем «Арбалет», такія выкарыстоўвалі дэсантнікі ў Казахстане. Акрамя таго, прысутнічае комплекс радыёразведкі і радыёпрыгнечання для падраздзяленняў ПДВ РБ-531Б «Інфаўна».
A huge column of Russian military equipment of the airborne troops was also noticed today (26.01) on the M10 highway. The cars were moving from Mikashevichy towards Luninets. pic.twitter.com/pe5oa35rhH
— MotolkoHelp (@MotolkoHelp) January 26, 2022
Акрамя таго, паводле інфармацыі тэлеграм-канала «Беларусь за МКАДам» калоны расійскай і беларускай вайсковай тэхнікі былі заўважаны ў Лідзе, Гродне і Бабруйску.
Калі бачыце тэхніку па-за афіцыйнымі месцамі правядзення вучэнняў, то дасылайце фота/відэа ў @motolko_bot або праз ананімную форму для зваротнай сувязі ніжэй.
