In English:
Belavia and Lukashenko’s plane came under U.S. sanctions
На русском языке:
«Белавиа» и самолёт Лукашенко попали под санкции США
Мінфін ЗША (OFAC) увёў санкцыі супраць 8 чалавек і 5 арганізацый звязаных з рэжымам у Беларусі.
Пад санкцыі ЗША патрапілі юрыдычныя асобы:
- BEL-KAP-STEEL LLC (кампанія звязана з БМЗ),
- Дэпартамент фінансавых расследаванняў КДК РБ,
- Авіякампанія «Белавія»,
- БМЗ,
- Мінскі завод грамадзянскай авіяцыі №407.
Пад санкцыі ЗША патрапілі фізічныя асобы:
- Сябры сямʼі Аляксея Алексіна: Дзмітрый Алексін, Віталь Алексін і Іна Алексіна,
- Арцём Дунько, старшы інспектар па асабліва важных справах ДФР,
- Віктар Франскевіч,
- Дзмітрый Корчык,
- Ігар Маршалаў,
- Віктар Сяліцкі.
Пад санкцыі ЗША патрапіў і бізнэс-джэт сям'і Лукашэнкі
Таксама Мінфін ЗША (OFAC) сёння ўвёў санкцыі і супраць урадавага бізнес-джэта сямʼі Лукашэнкі Bombardier Challenger 850 з рэг. нумарам EW-301PJ, які, сярод іншага, выкарыстоўваюць Віктар і Дзмітрый Лукашэнка.
«EW-301PJ; Aircraft Model CRJ-200ER; Aircraft Manufacturerʼs Serial Number (MSN) 8057; Aircraft Tail Number EW-301PJ (aircraft)», – сказана на сайце OFAC.
Такім чынам зараз пад санкцыямі знаходзяцца VIP-верталёт і ўсе самалёты Лукашэнкі, акрамя аднаго – Boeing 767-300 з рэгістрацыйным нумарам EW-001PB.
