На русском языке:
Больше контроля над военными? Зачем в Беларуси хотят воссоздать военную прокуратуру
Сёння Лукашэнка праводзіць ужо другую нараду па пытанні аднаўлення ваеннай пракуратуры.
Варта нагадаць, што 1 верасня 2014 года былі ліквідаваныя Беларуская вайсковая пракуратура і 11 міжгарнізонных вайсковых пракуратур. Іх паўнамоцтвы былі ўскладзены на Генпракуратуру. У яе структуры было створана ўпраўленне па наглядзе за выкананнем заканадаўства ў войсках.
Раней у Беларусі былі ліквідаваныя і ваенныя суды. Гэтыя структуры былі скасаваныя з 1 ліпеня 2014 г., што было адной з частак судовай рэформы. Паўнамоцтвы па разглядзе крымінальных спраў былі перададзены судам агульнай юрысдыкцыі.
Нагадаем, што ў ліпені 2023 года так званы генеральны пракурор Беларусі Андрэй Швед унёс прапанову аб стварэнні Галоўнай вайсковай пракуратуры і міжгарнізонных вайсковых пракуратур. Па словах чыноўніка, «Гаворка ідзе не аб узнаўленні ў тым вобразе або абліччы, які быў, а пра стварэнне Галоўнай ваеннай пракуратуры ва ўсечаным варыянце, колькасцю ў некалькі разоў менш, чым Беларуская ваенная пракуратура».
Асноўнай матывацыяй узнаўлення ваеннай пракуратуры ў Беларусі называюць неабходнасць узмацнення кантролю за выкананне заканадаўства ў сілавых структурах. Чаму з гэтай задачай не спраўляецца падраздзяленне Генпракуратуры – не паведамляецца. Таксама пакуль не зусім зразумела, каму будзе падпарадкоўвацца вайсковая пракуратура. Калі яна будзе ўваходзіць у склад Генпракуратуры, дык чым гэта будзе адрознівацца ад існуючых падраздзяленняў па наглядзе за выкананне заканадаўства ў сілавых структурах, акрамя іншай назвы?
Малаверагодна, што стварэнне ваеннай пракуратуры прывядзе да змяншэння колькасці злачынстваў у сілавых структурах. Хутчэй наадварот – гэта паспрыяе яшчэ большай закрытасці сілавых структур.
Варта адзначыць, што ў Беларусі існуе падраздзяленне Галоўнай вайсковай пракуратуры РФ. Таксама ў чэрвені 2023 г. стала вядома, што Следчы камітэт РФ стварыў у Беларусі ваенны следчы аддзел.
