In English:
Czech company AŽD continues to cooperate with the Belarusian Railways
На русском языке:
Чешская компания AŽD продолжает сотрудничать с БелЖД
Паступае інфармацыя, што буйны чэшскі пастаўшчык тэхналагічных установак у галіне бяспекі чыгуначнага транспарту – кампания AŽD – не толькі не разарвала сувязі з дзяржпрадпрыемствамі РБ, але і актыўна працягвае пастаўляць і ўсталёўваць абсталяванне для БЧ.
Больш за тое, па словах крыніц, гэта адбываецца прама цяпер. Паведамляюць, што ў дадзены момант прадстаўнікі кампаніі AZD, якія прыехалі з Чэхіі, усталёўваюць новае абсталяванне на адной з чыгуначных станцый у Гомелі.
Акрамя таго, можна знайсці інфармацыю, што ў Беларусі з кампаніяй AŽD цесна супрацоўнічае ТАА «МПЦ-сэрвіс», якое займаецца будаўніцтвам сетак сувязі, перадачы даных і ўстройстваў СЦБ на БЧ.
Тэлеграм-канал @belzhd_live дадае, што супрацоўнікамі кампаніі AŽD Praha вядзецца ўкараненне сістэм Мікрапрацэсарнай цэнтралізацыі стрэлак і сігналаў (МПЦ) на станцыях: Гомель-серверны, Гомель-цотны, Гомель-няцотны.
«У нас зараз на станцыі ў Гомелі ўсталёўваюць МПЦ Чэшскую, ну і тут куча чэхаў на чэшскіх машынах усё наладжваюць, дык тут ужо кожны СЦБіст да іх падыходзіў і пытаўся ці можна да іх уладкуецца ў Чэхію, яны кажуць што цяпер у іх забарона на прыём беларусаў і рускіх на працу», – пішуць чыгуначнікі.
Адметна, што якраз на станцыі Гомельскага чыгуначнага вузла прыбывала найбольшая частка расійскай ваеннай тэхнікі.
