На русском языке:
Тихановская: «Причина наших проблем сидит во дворце Независимости»
Нацыянальная лідэрка Святлана Ціханоўская звярнулася да беларусаў і беларусаў.
«Я думаю, што вы ўжо бачылі апошнія навіны з Расіі – Растоў і Варонеж захапілі добра ўзброеныя злачынцы, якія ўмеюць ваяваць, як аказалася, не горш, чым расейскае войска.
Але зараз я думаю пра іншае. Я думаю пра нас, пра беларусаў. Цяпер наша краіна пасварылася з усім цывілізаваным светам. Але дзеля каго яна пазбавілася ўсіх сяброў? Дзеля краіны, у якой найміты і злачынцы ўжо захапілі два вялізныя гарады і збіраюцца ехаць у Маскву. Дзеля краіны, якая ўвесь час ладзіць войны з суседзямі, пакуль 30 адсоткаў яе насельніцтва не маюць доступу да каналізацыі. Дзеля Расіі? Гэта праблема.
Стабільнасць, пры якой кошты ўвесь час растуць, а заробкі растаюць, самалёты не лётаюць, але затое завозяць ядзерную зброю, а школы і ВНУ ператвараюцца ў рассаднікі прапагандыстаў. Лукашэнка замяніў гандаль з Еўропай і Амерыкай на гандаль з краінай, якая ваюе не толькі суседам, але і ўласным народам. І гэта праблема.
Але навошта гэта ўсё нам? Навошта гэта ўсё беларусам?
Нам трэба займацца сваімі праблемамі, а не гуляць у злачынныя гульні Расіі. Каб у беларусаў былі добрыя заробкі. Каб дзеці атрымлівалі якасную, а не ідэалагічна правільную адукацыю. Каб міліцыя займалася злачынцамі, а не каментатарамі ў Facebook. Каб разумныя людзі, здольныя выцягнуць нашу краіну з крызісу, былі не ў турме, а ва ўрадзе. Каб увесь дзяржаўны апарат падпарадкоўваліся народу, а не аднаму чалавеку. Але пакуль гэта так – гэта праблема.
Мы не павінны дазволіць Лукашэнку і Пуціну ўцягнуць нас у вайну. Беларусы не павінны пакутаваць ці паміраць за Расею ці амбіцыі Лукашэнкі.
Мы. Павінны. Вырашыць. Свае. Праблемы. Самі. І мы ведаем, дзе сядзіць прычына нашых праблем – яна ў палацы Незалежнасці. Пакуль Расея занятая сваёй грамадзянскай вайной, у нас можа зʼявіцца шанец вызваліць краіну ад дыктатуры».
